پی ٹی آئی کارکنوں کیلئے بڑی خبر! جانتے ہیں استعفے کے بعد علی امین گنڈا پور کہاں جائینگے؟

(24نیوز)خیبر پختونخوا کے مستعفی وزیراعلیٰ علی امین گنڈا پور کا کہنا ہے کہ انہوں نے صوبے کی خدمت مکمل دیانتداری اور خلوصِ نیت کے ساتھ کی۔

علی امین گنڈا پور نے اپنا استعفیٰ سوشل میڈیا پلیٹ فارم ایکس (سابق ٹوئٹر) پر شیئر کیا، جس کے ساتھ ایک پیغام بھی شامل تھا جس میں انہوں نے عمران خان کے لیے اپنی وفاداری کا اظہار کیا۔

انہوں نے لکھا کہ اپنے قائد پاکستان تحریکِ انصاف کے بانی چیئرمین عمران خان کے حکم کی تعمیل کرتے ہوئے، میرے لیے یہ اعزاز ہے کہ میں وزیراعلیٰ خیبر پختونخوا کے عہدے سے استعفیٰ پیش کر رہا ہوں۔

اپنے الوداعی پیغام میں گنڈا پور نے اپنے دورِ حکومت کی کامیابیوں کا ذکر کرتے ہوئے کہا کہ جب انہوں نے وزارتِ اعلیٰ سنبھالی تو صوبہ مالی بحران اور دہشت گردی جیسے دو بڑے چیلنجز سے دوچار تھا۔

یہ بھی پڑھیں:سعودی عرب نے پاکستانی ڈاکٹرز اور نرسز کیلئے ملازمتوں کا اعلان کر دیا، جانئے درخواست کیسے دیں

ان کے مطابق ڈیڑھ سال کے دوران کابینہ، پارٹی ارکان، بیوروکریسی اور عمران خان کی رہنمائی کے تعاون سے خیبر پختونخوا کو مالی استحکام کی راہ پر گامزن کیا گیا اور دہشت گردی کے خطرات کا مقابلہ جرات اور عزم کے ساتھ کیا گیا۔

In respectful compliance of the orders of my leader, and Founding Chairman Pakistan Tehreek-e-Insaf, Imran Khan, it is my honour to tender my resignation from the Office of the Chief Minister, Khyber Pakhtunkhwa.

When I took over as Chief Minister, the province was faced with a… pic.twitter.com/b43onAVAby

— Ali Amin Khan Gandapur (@AliAminKhanPTI) October 8, 2025

انہوں نے بتایا کہ صوبے میں قومی تعمیر کے کئی بڑے منصوبے شروع کیے گئے، جنہیں ایک وقت میں جنگ زدہ علاقہ تصور کیا جاتا تھا۔

علی امین گنڈا پور نے اپنے کابینہ ارکان، اسمبلی کے اراکین (خواہ وہ پی ٹی آئی سے ہوں یا اپوزیشن سے) اور صوبائی بیوروکریسی کے افسران کا شکریہ ادا کیا جنہوں نے گورننس کے مشکل چیلنجز میں ان کا ساتھ دیا۔

انہوں نے اپنے پیغام میں کہا کہ میں یہ نہیں کہہ سکتا کہ میں ہر محاذ پر کامیاب رہا، مگر یقین سے کہہ سکتا ہوں کہ میں نے صوبے کے عوام کی خدمت پوری دیانتداری کے ساتھ کی اور ہمیشہ پاکستان کے مفاد کو مقدم رکھا،وزارت اعلیٰ چھوڑنے کے بعد عوام کے درمیان جاؤنگا۔

علی امین گنڈا پور نے اپنے پیغام کا اختتام پرعزم الفاظ میں کیا ، پاکستان زندہ باد، پی ٹی آئی پائندہ باد۔