غزہ کے بچوں کو کھانے کی اشیاء والے کھلونے دینے پر اشنا شاہ برہم

(ویب ڈیسک) پاکستانی اداکارہ اشنا شاہ نے غزہ کے بچوں کو  کھانے کی طرح نظر آنے والے کھلونے فراہم کرنے پر اقوامِ متحدہ کے عمل کو شرمناک قرار دے دیا۔

مائیکرو بلاگنگ سائٹ ایکس پر فلسطینی صحافی محمد سمری نے ایک تصویر جاری کی جس میں دیکھا جاسکتا ہے کہ کھانے کی طرح نظر آنے والے مصنوعی چکن نگٹس، دودھ کا پیکٹ، فرنچ فرائز، برگر اور آئس کریم پیک کے کھلونے شاپر میں پیک کیے گئے ہیں۔پوسٹ کے کیپشن میں صحافی نے لکھا کہ "ہمارے بچوں کو کھانا دینے کے بجائے اقوام متحدہ کھانے کی طرح دکھنے والے کھلونے دے رہا ہے۔"

Instead of giving our children food,

The UN is giving them toys that look like food. #Gaza pic.twitter.com/7tA4tNv9aX

— Muhammad Smiry ???????? (@MuhammadSmiry) December 7, 2023

پوسٹ منظر عام پر آنے کی دیر تھی کہ فلسطین کے دکھ میں شامل ہونے والے لوگوں نے سوشل میڈیا پر غم غصے کا اظہار کردیا,شدید برہمی کا اظہار کرنے میں اداکارہ اشنا شاہ نے بھی صحافی کے ٹوئٹ کو ری ٹوئٹ کرتے ہوئے اقوام متحدہ کے اس عمل کو شرمناک اور "احمقانہ مذاق" قرار دےدیا۔

یہ بھی پڑھیں:بولڈ لباس پر تنقید، فریال مخدوم کا ناقدین کو کرارا جواب

 ایکس اکاؤنٹ پر اشناشاہ نے لکھا کہ کیا کوئی اس کی تصدیق کر سکتا ہے؟ کیا یہ انتہائی فضول مذاق کرنے کا خیال اقوام متحدہ کا ہے؟انہوں نے ناگواری کا اظہار کرتے ہوئے لکھا کہ "کیا یہاں کوئی مقابلہ ہورہا ہے کہ بدترین سلوک کرنے میں کون سی تنظیم سب سے زیادہ نیچے گر سکتی ہے؟"

Can someone verify this? And to add even more insult to injury this is made to look like a McDonald’s meal. Is this the UN’s idea of a sick joke? Is there a competition as to which organisation can stoop the lowest? https://t.co/ZVJG5NSlxB

— Ushna Shah (@ushnashah) December 7, 2023

یاد رہے کہ غزہ کے حالات دن بہ دن بد سے بدتر ہوتے جارہے ہیں اسرائیل اپنی پوری طاقت کا استعمال کرتے ہوئے مسلسل معصوم فسلطینیوں کو جان سے مارنے اور انہیں صفحہ ہستی سے مٹانے پر تلا ہوا ہے۔

اسرائیلی فوج نے اب تک زمینی، فضائی حملوں سے 15 ہزار سے زائد معصوم فلسطینیوں کو شہید کردیا ہے جس میں اکثریت خواتین اور بچوں کی ہے۔