پی ٹی آئی کی آج زمان پارک لاہور سے ریلی، عمران خان قیادت کریں گے

(ویب ڈیسک) پاکستان تحریک انصاف کی جانب سے آج زمان پارک لاہور سے ریلی نکالی جائے گی۔

ریلی فیروز پور روڈ سے ہوتی ہوئی داتا دربار پر ختم ہوگی، عمران خان ریلی کی قیادت کریں گے۔

پی ٹی آئی رہنما فواد چوہدری کا کہنا ہے کہ ریلی آئین اور عدلیہ سے اظہار یکجہتی کے لیے نکالی جائے گی۔

پی ٹی آئی رہنما حماد اظہر نے کہا کہ پاکستان کا اصلی شیر آج زمان پارک سے نکلے گا۔

دوسری جانب محکمہ داخلہ پنجاب نے ریلی سے متعلق پی ٹی آئی کو خط لکھ کر موجودہ صورتحال میں زیادہ حفاظتی انتظامات کرنے کی ہدایت کی ہے۔