مونس الہیٰ اور ان کے خاندان پر دباؤ بڑھانے کے لئے انہیں ہراساں کیا جا رہا ہے:فواد چوہدری

(ویب ڈیسک)پاکستان تحریک انصاف کے رہنما فواد چوہدری کہتے ہیں کہ حیران ہوں کہ کیسے نااہل اور نکمے لوگ پاکستان پر مسلط کر دئیے گئے ہیں۔

اپنی ٹوئٹ میں فواد چوہدری نے کہا کہ حکومت کا شاندار بزنس پلان صرف یہ ہے کہ چند ماہ کیلئے سعودی عرب اور چین پیسے دیں اور ہم دن گزاریں۔ حیران ہوں کہ کیسے نااہل اور نکمے لوگ پاکستان پر مسلط کر دئیے گئے ہیں اور اسٹیبلشمنٹ ڈنڈے کے سہارے ملک کی سیاست اور معیشت کو کتنی دیر چلانا چاہتی ہے؟

حکومت کا شاندار بزنس پلان صرف یہ ہے کہ چند ماہ کیلئے سعودی عرب اور چین پیسے دیں اور ہم دن گزاریں، حیران ہوں کہ کیسے نااھل اور نکمے لوگ پاکستان ہر مسلط کر دئیے گئے ہیں اور اسٹیبلشمنٹ ڈنڈے کے سہارے ملک کی سیاست اور معیشت کو کتنی دیر چلانا چاہتی ہے؟ https://t.co/5vmNSrNbrF

— Ch Fawad Hussain (@fawadchaudhry) January 8, 2023

سابق وفاقی وزیر نے کہا کہ مونس الہیٰ اور ان کے خاندان پر دباؤ بڑھانے کے لئے انہیں ہراساں کیا جا رہا ہے، تحریک انصاف اس کی شدید مذمت کرتی ہے۔ موجودہ حکومت کو برقرار رکھنے کیلئے طاقت کے استعمال کے علاوہ کوئی چارہ نہیں لہذا سیاسی مخالفین پر بہیمانہ طاقت استعمال کی جار ہی ہے یہ ظلم زیادہ دیر نہیں چلے گا۔

ملک میں آٹے کے بحران پر فواد چوہدری نے کہا کہ آٹھ جولائی کو میں نے پریس کانفرنس میں خبردار کیا تھا کہ نومبر دسمبر میں آٹے کا بد ترین بحران پیدا ہو گا، بدقسمتی سے حکومت اور ادارے کئی ماہ سے صرف عمران خان کا سیاسی قد کم کرنے کی ناکام کوششوں میں مصروف رہے اور اب باقی معاملات کی طرح آٹے کا یہ بحران بھی ہاتھ سے نکلتا جا رہا ہے۔