عوام کیلئے اچھی خبر، پیر، منگل کے روز بینک کھلے رہیں گے

(24 نیوز)بزنس کمیونٹی اور شہریوں کیلئے اچھی خبر، فارن ایکسچینج اورتجارتی سرگرمیوں کو ڈیل کرنے والے مخصوص بینکوں کی پچاس فیصد برانچز دس اور گیارہ مئی کو کھلی رہیں گی۔

تفصیلات کے مطابق وزیراعظم عمران خان کی ہدایات پرفارن ایکسچینج اور صنعتی وتجارتی سرگرمیوں کو ڈیل کرنے مخصوص بینکوں کی برانچز آئندہ سوموار اور منگل کے روز بھی کھلی رہیں گی۔ اسٹیٹ بینک کی ہدایت پر فارن ایکسچینج اور تجارتی وصنعتی سرگرمیوں کو ڈیل کرنے والے مخصوص بنکوں کی پچاس فیصد برانچنز پیر جبکہ بقیہ پچاس فیصد برانچز منگل 11مئی کو کھلی رہیں گی۔ایڈیشنل ڈائریکٹر سید عمران علی نے بنکوں کے صدور اور چیف ایگزیکٹیو کو ہدایات جاری کردی ہیں۔
فیڈریشن چیمبر کے اعلی سطحی وفد نے وزیراعظم عمران خان سے ملاقات میں بینکوں کو کھولنے کے حوالے سے درخواست کی تھی جسے وزیراعظم نے فوری منظور کرلیا اور بینکوں کو مخصوص برانچز کھولنے کے احکامات جاری کروائے۔
 قبل ازیں اسٹیٹ بینک نے تمام بینکوں کے صدور کو ہدایت جاری کردیں تھیں کہ 10 سے 15 مئی تک عید تعطیلات پر عوامی ضروریات کے پیش نظر ہفتہ 8 مئی کو بینکس کھولنے کا فیصلہ کیا گیا ہے۔ ہفتہ 8 مئی کو بینک صبح 9 بجے سے دوپہر 2 بجے تک کھلے رہیں گے۔
واضح رہے کہ گزشتہ دو ہفتے کورونا کی تیسری لہر کے پیش نظر بینکوں کے اوقات کار تبدیل کئے گئے تھے، نجی کمرشل بنک سوموار سے جمعرات تک صبح 9 سے دوپہر 2بجے تک کھلے رہیں گے، نجی کمرشل بنکوں میں پبلک ڈیلنگ دوپہر 1بجے تک ہوگی۔ جمعتہ المبارک کے روز نجی کمرشل بنک صبح 9 سے دوپہر1 بجے تک کھلے رہیں گے، جمعہ کے روز بینکوں میں کھاتہ داروں کے ساتھ لین دین 30۔ 12تک ہوگا۔ 
یہ بھی پڑھیں: عید الفطر کب ہوگی؟ ماہر فلکیات نے پیشگوئی کردی