پرویز الہٰی کی نظر بندی کیخلاف درخواست پر پیر تک فیصلہ کرنے کا حکم
Stay tuned with 24 News HD Android App
(24 نیوز) لاہور ہائیکورٹ نے سابق وزیر اعلیٰ پنجاب اور پی ٹی آئی صدر چودھری پرویزالہٰی کی نظر بندی کیخلاف درخواست پر ایڈیشنل چیف سیکرٹری ہوم کو پیر تک فیصلہ کرنے کا حکم دے دیا۔
لاہور ہائیکورٹ کے جسٹس راحیل کامران شیخ نے پرویز الہٰی کی اہلیہ قیصرہ الہٰی کی درخواست پر سماعت کی، قیصرہ کے وکیل عامر سعید راں نے دلائل دئیے، درخواست میں چودھری پرویز الہٰی کی ایڈیالہ جیل منتقلی کو بھی چیلنج کیا گیا ہے۔
درخواست میں مؤقف اپنایا گیا ہے کہ سابق وزیراعلیٰ کی تمام کیسز میں عدالت سے ضمانت منظور ہوچکی ہے،انہیں رہا کرنے کی بجائے نظر بندی کا حکمنامہ جاری کیا گیا۔
وکیل کے دلائل سننے کے بعد عدالت عالیہ نے ایڈیشنل چیف سیکرٹری ہوم غلام سرور کو نظربندی کیخلاف درخواست پر فیصلہ کرنے کا حکم دیا۔
عدالت نے کہا کہ ایڈیشنل چیف سیکرٹری ہوم پیر کو قیصرہ الہٰی کی درخواست پر فیصلہ کرے اور 8 اگست کو عملدرآمد رپورٹ پیش کریں۔
ضرور پڑحیں:بہاولپور یونیورسٹی سکینڈل، طلبہ کی نازیبا ویڈیوز کی موجودگی کا نئے وی سی نے اعتراف کر لیا