پاکستان میں ویکسین کی مقامی سطح پر تیاری میں پیشرفت

(ویب ڈیسک) پاکستان میں ویکسین کی مقامی سطح پر تیاری میں پیشرفت سامنے آگئی ۔
ترجمان وزارت صحت کا کہنا ہے کہ ویکسین کی تیاری پر وفاقی وزیر صحت مصطفیٰ کمال کی سعودی ہم منصب سے 3 ملاقاتیں ہوئی ہیں جن میں ویکسین کی مقامی سطح پر تیاری، سرمایہ کاری اور تکنیکی تعاون پر تبادلہ خیال کیا گیا۔
وزارت صحت کے مطابق دونوں ممالک کے وزراء کے درمیان ہونے والی ملاقات میں ویکسین مینوفیکچرنگ، فارماسیوٹیکل انڈسٹری اور صنعتی اشتراک پر پیشرفت ہوئی۔
وزارت صحت کے ترجمان کاکہنا ہے کہ سعودی عرب کا 11 رکنی اعلیٰ سطحی وفد آج پاکستان پہنچ رہا ہے، سعودی ہم منصب سے ملاقات میں دونوں طرف سے فوکل پرسنز مقرر ہوئے، پاکستان کی جانب سے ڈاکٹر عبید چیف ایگزیکٹو آفیسر ڈریپ فوکل پرسنز مقررہوئے جبکہ سعودی وزارت صنعت کے سینئر ایڈوائزر نزار الحریری فوکل پرسن مقرر ہوئے۔

یہ بھی پڑھیں:محکمہ ایکسائز نےشہریوں کو بڑی سہولت فراہم کردی
اس حوالے سے وفاقی وزیر صحت مصطفیٰ کمال کا کہنا ہے مقامی سطح پر ویکسین کی تیاری کیلئے پر عزم ہیں، ویکسین کی مقامی سطح پرتیاری میں سعودی وفد کا دورہ فیصلہ کن قدم ثابت ہوگا، مقامی سطح پر ویکسین کی تیاری ملکی ضروریات کو پورا کرے گی، محفوظ اور معیاری ویکسین کی دستیابی یقینی بنانا حکومت کی اولین ترجیح ہے۔