صحت مند اسحاق ڈار قانون کےسامنے بیمار:شبلی فراز 

(24نیوز)وفاقی وزیرِ اطلاعات شبلی فراز سابق وزیرخزانہ اسحاق ڈارکو تنقید کا نشانہ بناتے ہوئے کہا ہے کہ لندن میں فرار اسحاق ڈار انٹرویوز کیلئے تو بالکل تندرست ہیں لیکن قانون کے سامنے پیش ہونا پڑے تو بیمار ہوجاتے ہیں۔

 
 ن لیگ کے سینئر  رہنما اور سابق وزیرخزانہ اسحاق ڈار اپنے حالیہ بی بی سی کو دئیے گئے انٹرویو  پرحکومتی وزرا کی جانب سے  تنقید کی زد میں ہیں۔وفاقی وزیرِ اطلاعات و نشریات سینیٹر شبلی فراز نے سماجی رابطے کی ویب سائٹ ٹوئٹر پراپنے پیغام میں کہا ہے کہ برطانوی اینکر کے سوالات اور اسحاق ڈار کے جوابات ثبوت ہیں کہ سچ کے سامنے ان کے ہاتھ پاؤں پھول جاتے ہیں۔ کرپٹ عہد کا معاون اور ملکی معیشت تباہ کرنے والا انٹرویوز کے لیے صحت مند مگر قانون کے سامنے بیمار ہے۔

برطانوی اینکر کے سوالات اور ڈار کے جوابات ثبوت ہیں کہ سچ کے سامنے ان کے ہاتھ پاءو ں پھْول جاتے ہیں ۔ لوٹ مار کے دفاع کیلئے وطن کا نام بدنام کرنے سے بھی باز نہیں آتے ۔ کرپٹ عہد کا معاون اور ملکی معیشت تباہ کرنے والا انٹرویوز کیلئے صحت مند مگر قانون کے سامنے بیمار ہے ۔

— Senator Shibli Faraz (@shiblifaraz) December 2, 2020

 سینیٹر شبلی فرازکا مزید کہنا تھا کہ یہ لوگ لوٹ مار کے دفاع کے لیے وطنِ عزیز کا نام بدنام کرنے سے بھی باز نہیں آتے۔