فلم ’’آگ لگے بستی میں‘‘ 42 کروڑ روپے کا بزنس کرنے میں کامیاب

(زین مدنی)معروف اداکار فہد مصطفیٰ اور اداکارہ ماہرہ خان کی فلم ’’آگ لگے بستی میں‘‘ نے 42 کروڑ روپے کا بزنس کر لیا، فلم کی کہانی برکت (فہد مصطفیٰ) اور اس کی بیوی الماس (ماہرہ خان) کے گرد گھومتی ہے، دونوں ایک غریب بستی میں رہتے ہیں اور لوگوں کے گھروں میں صفائی کا کام (cleaners) کرتے ہیں۔

برکت ایک انتہائی ایماندار، محنتی اور اصولوں پر قائم شخص ہے، وہ کہتا ہے کہ مر تو سکتا ہوں، لیکن چوری کا ایک نوالہ بھی نہیں کھاؤں گا، دوسری طرف الماس دولت کی جلدی خواہشمند ہے۔

الماس زندگی کی سادہ اور تنگدستی سے تنگ آ چکی ہے اور جلد سے جلد امیر بننے کا خواب دیکھتی ہے (اس کا ایک بڑا خواب دبئی جانے کا ہے)، شادی کے بعد دونوں کے درمیان گھریلو کشمکش شروع ہوتی ہے۔

الماس اپنے شوہر کو چھوٹے موٹے جرائم (petty crime) کی طرف مائل کرنے کی کوشش کرتی ہے تاکہ پیسہ جلدی جمع ہو۔ شروع میں چھوٹی چھوٹی چوریاں ہوتی ہیں، لیکن آہستہ آہستہ یہ بڑے خطرناک مجرمانہ مہم جوئی میں تبدیل ہو جاتی ہیں۔

چھوٹی غلطیوں اور غلط فیصلوں کی وجہ سے وہ سیزنڈ کرمنلز (بڑے مجرموں) کے جال میں پھنس جاتے ہیں۔ فلم میں گن، کار چیس، اغوا، تاوان اور بہت سارا chaos آ جاتا ہے۔

یہ بھی پڑھیں :لاہور سے کراچی جانے والی پی آئی اے کی پرواز سے پرندہ ٹکرا گیا