بھارتی صدر نے قومی پرچم کی توہین کو بدبختانہ قرار دیدیا

(24 نیوز)بھارت کے صدر  رام ناتھ کووند نے یوم جمہوریہ کے موقع پر کسانوں کی ٹریکٹر ریلی کے دوران تاریخی لال قلعے میں توڑ پھوڑاور قومی پرچم کی توہین کو بدبختانہ قراردیا ہے۔

میڈیا رپورٹ کے مطابق بھارتی صدر نے پارلیمنٹ کے دونوں ایوانوں کی مشترکہ نشست سے خطاب کے دوران کہا کہ  گزشتہ دنوں ترنگا اوریوم جمہوریہ کی توہین انتہائی افسوس ناک ہے۔جو آئین ہمیں اظہار رائے کی آزادی کا حق دیتا ہے،وہی آئین ہمیں سکھاتا ہے کہ قانون اور اصول و ضوابط پر اتنی ہی سنجیدگی سے عمل کرنا چاہئے ۔انہوں نے کہا کہ ملک کی سپریم کورٹ نے ابھی ان قوانین کو مؤخر کیا ہے اور حکومت سپریم کورٹ کے فیصلے کی مکمل پاسداری کرے گی۔انہوں نے کہا کہ یہ قوانین وسیع تر غور و فکر کے بعد پارلیمنٹ میں منظور کئے گئے تھے۔