سستا پیٹرول سکیم سے فائدہ اٹھانے والے شہریوں کیلئے اہم اعلان

(ویب ڈیسک) ییٹرول پمپ اونرز ایسوسی ایشن نے شہریوں کے لیے اہم اعلان کرتے ہوئے کہا کہ وزیراعظم سبسڈی سکیم میں ٹوکن جنریٹ ہونے والی گاڑی کو ہی سستا پیٹرول ملے گا، غیر رجسٹرڈ گاڑیوں کو سستا پیٹرول نہیں ملے گا۔

تفصیلات کے مطابق آل پاکستان پیٹرول پمپ اونرز ایسوسی ایشن نے وزیراعظم سبسڈی اسکیم کے تحت سستا پیٹرول حاصل کرنے والے صارفین سے تعاون کی اپیل کی ہے اور واضح کیا ہے کہ صرف رجسٹرڈ اور ٹوکن والی گاڑیوں کو ہی سبسڈی دی جائے گی۔

ایسوسی ایشن کے رہنما نعمان علی بٹ نے کہا کہ حکومت کی جانب سے جاری کردہ ہدایت کے مطابق سبسڈی کا حق صرف اسی صارف کو حاصل ہوگا جس کی گاڑی رجسٹرڈ ہے اور جس کا باقاعدہ ٹوکن جنریٹ ہوا ہے۔

ان کا کہنا تھا کہ پمپ مالکان قانوناً صرف اسی گاڑی کے لیے سستا پیٹرول فراہم کرنے کے پابند ہیں جس کا ٹوکن سسٹم میں ظاہر ہو رہا ہو۔ ٹوکن والی گاڑی کے علاوہ کسی دوسری گاڑی میں سبسڈی والا پیٹرول نہیں ڈالا جا سکتا۔

 یہ بھی پڑھیں:  لیونل میسی نے ناقابلِ یقین گول کر کے سب کو حیران کر دیا، ویڈیو سوشل میڈیا پر وائرل