محسن نقوی اور آسٹریلوی ہم منصب کی ویڈیو لنک میٹنگ، مشترکہ ورکنگ گروپ کے قیام کا فیصلہ

( اویس کیانی)وفاقی وزیر داخلہ محسن نقوی اور آسٹریلیا کے وزیر داخلہ ٹونی برک میں ویڈیو لنک میٹنگ ہوئی، دونوں وزرائے داخلہ کے درمیان باہمی دلچسپی کے امور اور سکیورٹی کے حوالے سے تعاون پر تفصیلی بات چیت ہوئی۔

پاکستان اور آسٹریلیا کے درمیان غیر قانونی امیگریشن کی روک تھام کیلئے اشتراک کار بڑھانے پر اتفاق کیا گیا۔

دونوں رہنماؤں نے پولیس اور پیرا ملٹری فورسز کے افسروں کے لئے ٹریننگ پروگرامز کے آغاز کے حوالے سے بھی بات چیت کی، نیشنل سائبر کرائمز انویسٹی گیشن ایجنسی اور ایف ائی اے کے ساتھ آسٹریلوی اداروں کا اشتراک کار بڑھانے کے امکانات پر بھی گفتگو ہوئی۔

ملاقات کے دوران دوطرفہ تعاون بڑھانے کے لئے مشترکہ ورکنگ گروپ کے قیام کا فیصلہ کیا گیا۔

وفاقی وزیر داخلہ محسن نقوی اور آسٹریلیا کے وزیر داخلہ ٹونی برک میں ویڈیو لنک میٹنگ
دونوں وزرائے داخلہ کے درمیان باہمی دلچسپی کے امور اور سکیورٹی کے حوالے سے تعاون پر تفصیلی بات چیت
پاکستان اور آسٹریلیا کا غیر قانونی امیگریشن کی روک تھام کیلئے اشتراک کار بڑھانے پر اتفاق pic.twitter.com/iWkCfKY9im

— Ministry of Interior GoP (@MOIofficialGoP) November 28, 2025

اس موقع پر آسٹریلیا کی کرکٹ ٹیم کے دورہ پاکستان کے حوالے سے بھی تبادلہ خیال ہوا، وزیر داخلہ محسن نقوی نے آسٹریلوی کرکٹ ٹیم کے لئے سکیورٹی انتظامات کے بارے بتایا اور آسٹریلوی ہم منصب کو پاکستان کے دورے کی دعوت دی۔

یہ بھی پڑھیں:واہ یہ تو کمال ہی ہو گیا،سونے کی قیمت سے متعلق اہم خبر

دونوں وزرائے داخلہ نے دوطرفہ تعلقات کو مزید مضبوط بنانے کے عزم کا اعادہ بھی کیا۔