عمران خان خود اسمبلی توڑ دو اور مستعفی ہوجاؤ۔بلاول بھٹو۔لانگ مارچ حیدرآباد پہنچ گیا

Feb 28, 2022 | 17:44:PM
بلاول ۔خطاب ۔سلیکٹڈ۔آئین۔مستعفی۔زرداری۔الیکشن
کیپشن: لانگ مارچ حیدر آباد پہنچنے پر آصفہ بھٹو ہاتھ ہلا کر نعروں کا جواب دے رہی ہیں بلاول بھی کنٹینر پر کھڑے ہیں
Stay tuned with 24 News HD Android App
Get it on Google Play

 (24نیوز)پاکستان پیپلز پارٹی کا لانگ مارچ حیدرآباد پہنچ گیا۔جہاں خطاب کرتے ہوئے پی پی کے چیئرمین بلاول بھٹو زرداری نے کہا ہے کہ عمران خان خود اسمبلی توڑ دو اور مستعفی ہوجاؤ، جیالے لانگ مارچ اورعدم اعتماد لاکر تمہیں گھر بھیجیں گے، آج دوسرا دن ہے اور بنی گالہ کی چیخیں نکل رہی ہیں۔


 بلاول نے کہا ہمت کریں قوم سے خطاب کرنا ہے تو اسمبلیاں توڑنے کا اعلان کریں، نئے الیکشن کا اعلان کریں، جیالے انتخابات کیلئے تیارہیں، عدم اعتماد لے کر اسلام آباد آ رہے ہیں، اب ہی ان کی چیخیں نکل رہی ہیں، شہر اقتدار پہنچیں گے تو کیا حال ہوگا۔ پاکستان کے عوام الیکشن میں سلیکٹڈ کو رد کریں گے۔


 انہوں نے کہا کہ عمران خان نے چینی، آٹا چوری کیا ہے، آصف زرداری نے آئین کو بحال اور 18 ویں ترامیم دیں، آپ کے صوبے پختونخوا کو آصف زرداری نے شناخت دی، ایران گیس پائپ لائن زرداری نے دی اور تم مکمل نہیں کرسکے، بے نظیر انکم سپورٹ پروگرام دلوایا۔ اب وقت آگیا ہے کہ یہ تماشے نہیں چلیں گے، حساب دینا ہوگا، بزدل وزیراعظم اتنا پریشان ہوگیا ہے، پہلے میڈیا پر نہ بولنے کی پابندی لگا رہا تھا، کہتا ہے جو وزیراعظم کے خلاف بولے پانچ سال جیل جانا پڑے گا۔ پیپلزپارٹی کے جیالے سلیکٹڈ سے حساب لینے میدان میں نکلے ہیں، عوامی مارچ میں جیالوں کا جوش و جذبہ دیکھ کرکٹھ پتلی نے گھبرانا شروع کردیا ہے، کٹھ پتلی نے اپنے کچھ وزیرسندھ بھیجے ہیں،لیکن ہم عوام کو حقوق دلوانے کیلئے نکلے ہیں۔قبل ازیں ٹنڈو محمد خان میں لانگ مارچ کے شرکا سے خطاب کرتے ہوئے بلاول بھٹو نے جئے بھٹو کے نعرے سے خطاب کا آغاز کیا اور کہا کہ عوام کا شکرگذار ہوں کہ عوامی مارچ کا تاریخی استقبال کیا ہے ہم عوام کے جمہوری معاشی حقوق کے لئے نکلے ہیں ہماری جدوجہد کامیاب ہوگی کیا آپ کو تبدیلی پسند آئی۔ اگر نہیں تو وقت آگیا ہے کہ اس ناجائز ناہل وزیراعظم کو بھگانا ہے ملک کو بچانا ہے عوام گھروں سے نکلیں تاکہ سیلیکٹڈ حکومت کا خاتمہ کرکے انتخابات کراسکیں۔

انہوں نے کہا ٹنڈومحمد خان کے جیالوں نے مشرف سمیت تمام وقت کے فرعونوں کے خلاف جدوجہد کی ہے آج کٹھ پتلی کے خلاف سندھ کے عوام سڑکوں پر نکلے ہیں طاقت کا سرچشمہ عوام ہیں یہ ہمارا منشور ہیں۔ عوام آج مشکل میں ہیں کسان پریشان ہے غریب عوام کو مشکلات سے نکالنے کے لئے قائد عوام شہید بے نظیر بھٹو نے جدوجہد کی۔ ہاری کو اس کی محنت کا صلہ نہیں مل رہاہے ایک کروڑ نوکریوں کا وعدہ پورا نہیں کیا روزگاردینے کی بجائے روزگار چھین لیا اسلام آباد جانے کے لئے تیار ہوجاو فیصلہ کن معرکہ میں جیت عوام کی ہوگی جیت پیپلزپارٹی کی ہوگی۔ وقت آگیا ہے سلیکٹڈ کو بھگانا اور پاکستان کو بچانا ہے، پیپلزپارٹی نے ہر دور کے آمر کا ڈٹ کا مقابلہ کیا، عوام کو حقوق دلوانے کیلئے نکلے ہیں، جیالوں کی جدوجہد ضرور کامیاب ہوگی۔بلاول بھٹو زرداری نے کہا کہ وزیراعظم کہتے ہیں گھبرانا نہیں، مہنگائی، بیروزگاری، غربت بڑھ گئی، تحریک عدم اعتماد لانے کا فیصلہ کیا تو وزیراعظم نے گھبرانا شروع کر دیا اور وزرا سندھ بھیج دئیے، سیاسی یتیم پوچھتے ہیں کہ پیپلزپارٹی نے کیا کیا، عوام کی طاقت سے حکمرانوں کو بھگائیں گے۔


یہ بھی پڑھیں۔ سراج الحق کی ملاقات۔مہنگائی حد سے بڑھ گئی ۔ عوام کو مزید نہ آزمایا جائے۔چودھری شجاعت

دیگر کیٹیگریز: پاکستان - سندھ - ضرور پڑھئے - اہم خبریں
ٹیگز:

متعلقہ خبریں