بھارتی میڈیا عمران خان کے حوالے سے جھوٹی خبریں پھیلا رہا ہے،علی امین

(ویب ڈیسک)سابق وزیراعلیٰ خیبرپختونخوا علی امین گنڈاپور کا کہنا ہے کہ بھارتی میڈیا کی جانب سے عمران خان سے متعلق جھوٹی خبریں پھیلانا سنگین پروپیگنڈا ہے،منفی مہم کا مقصد عوام کو اشتعال دلانا اور نفرت پھیلانا ہے،یہ پروپیگنڈا ملک کو عدم استحکام کی طرف دھکیلنے کی کھلی سازش ہے۔

 ڈیرہ اسماعیل خان میں میڈیا سے گفتگو کرتے ہوئے انہوں نے کہا کہ  عمران خان اور بشریٰ بی بی مکمل طور پر صحت مند ہیں اور ایسی تمام خبریں بے بنیاد ہیں،ان کے خلاف قائم جھوٹے مقدمات اور انسانی حقوق کی پامالیوں کی سخت مذمت کرتا ہوں۔

عمران خان کے خلاف ناانصافیوں کو ہر فورم پر اٹھایا گیا ہے،عمران خان پاکستان ہی نہیں بلکہ عالمی سطح کے لیڈر کے طورپر جانے و مانے جاتے ہیں،قوم اپنے قائد کے ساتھ کھڑی ہے اور ان کی جلد رہائی کے لیے جدوجہد جاری رکھے گی۔

جھوٹے پروپیگنڈے کو مکمل طور پر ناکام بنانے کا فیصلہ پوری قوت کے ساتھ کیا گیا ہے۔

یہ بھی پڑھیں :  پاکستان خطرناک بحران میں مبتلا ہے ، ہمارا مسٔلہ عوام کے حقوق ہیں ،محمود اچکزئی