گلوکار علی ظفرکے گھر صف ماتم بچھ گئی

(ویب  ڈیسک)پاکستانی گلوکار و اداکار علی ظفر کے نانا انتقال کرگئے جس کی اطلاع اُنہوں نے اپنے سوشل میڈیا  پیغام کے ذریعے دی۔

سماجی رابطوں کی ویب سائٹ ٹوئٹر پر علی ظفر نے اپنے مرحوم نانا کی زندگی کی کچھ یادگار تصاویر شیئر کیں جس کے ساتھ اُنہوں نے ایک جذباتی پیغام بھی درج کیا۔ علی ظفر نے اپنے ٹوئٹ میں لکھا کہ ’میرے نانا! محمد امین، جو میرے بہت قریب تھے اور بچپن ہی سے میرے آئیڈیل رہے ہیں، آج اس دُنیا سے رخصت ہوگئے ہیں۔

My Nana, Mohammad Amin, who I was very close to & has always been my idol since childhood- a self made man, who taught us the importance of of hard work, honesty, compassion and care for others passed away today. His life can’t be summed up in a few lines. Plz pray for his soul. pic.twitter.com/tViGJHEWv5

— Ali Zafar (@AliZafarsays) June 26, 2021

علی ظفر نے لکھا کہ میرے نانا خود ساختہ انسان تھے جنہوں نے ہمیشہ ہمیں محنت، دیانت، شفقت اور دوسروں کی دیکھ بھال کی اہمیت کا درس دیا، میرے نانا کی زندگی کا خلاصہ چند لائنوں میں نہیں کیا جاسکتا۔ علی ظفر نے مداحوں سے اپنے نانا کے لیے دُعائے مغفرت کی اپیل بھی کی۔

خیال رہےکہ گلوکار و اداکار علی ظفر نے پاکستانی اداکارہ اور ڈائریکٹر ثمینہ پیرزادہ کی طرف سے ہدایت کردہ فلم شرارت میں گیت جگنوؤں سے بھر لو آنچل کے ساتھ اپنے گانے کے کیریئر کا آغاز کیا لیکن دنیا بھر میں گانے چھنو کی بدولت مشہور ہوئے اور پھر سیٹی بجے گی سے لے کر ایک قوم ایک منزل تک، علی ظفر کے ہر گیت نے میلہ لوٹ لیا جبکہ علی ظفر نے پاکستان کے علاوہ بھارت میں بھی اپنی گلوکاری اور اداکاری کا لوہا منوایا، بھارت میں تیرے بن لادن، میرے برادر کی دلہن، کِل دل، ٹوٹل سیاپا، لندن پیریس نیویارک، چشمِ بدور اور ڈیر زندگی جیسی بڑی فلموں میں نمایاں اور یادگار رولز کئے اور پھر پاکستانی سینما کی سب سے بڑی فلم طیفا ان ٹربل بنائی جس نے ملک بھر میں ریکارڈ بزنس کیا۔

یہ بھی پڑھیں: "ملنے کی کوشش کرنے والا جوڑا قتل"