حمزہ شہباز نے سیاسی انتقام کا جرات سے سامنا کیا: مریم اورنگزیب

(24نیوز)مسلم لیگ (ن) کی ترجمان مریم اورنگزیب نےکہا کہ ‎حمزہ شہباز نے جرات، بہادری  سے 20 ماہ قید ناحق گزاری۔ حمزہ شہباز نے عمران خان کے بد ترین سیاسی انتقام کا جرات ، بہادری اور دلیری سے سامنا کیا۔

‎مریم اورنگزیب نےحمزہ شہبازکو جیل سے رہائی پرمبارک باد دیتے ہوئے کہا کہ حمزہ شہباز نیب نیازی گٹھ جوڑ کے سیاسی انتقام کے خلاف مزاحمت کی روشن علامت بن چکے ہیں ‎20 ماہ گزر گئے لیکن ایک دھیلے کی کرپشن کا کوئی ثبوت حمزہ شہباز پر نہیں لگ سکا ‎۔ ‎خدا کرے ووٹ چورسلیکٹڈ کی قید سے قوم کو بھی جلد رہائی مل جائے۔انہوں نے کہا کہ حمزہ شہباز کے خلاف نیب نیازی گٹھ جوڑ کا سیاہ کردار تاریخ میں ہمیشہ یاد رکھا جائے گا ۔‎حمزہ شہبازکی صاحبزادی20 ماہ کی ہوگئی لیکن اس معصوم کے والد قید ناحق کاٹ رہے تھے ‎کیا حمزہ شہباز کی 20 ماہ کی قید ناحق، ذہنی اذیت اور جھوٹ پر مبنی کردار کشی کا کوئی مداوا ہے؟ ‎وہ سیاہ چہرے تاریخ میں سیاہ ہی رہیں گے جنہوں نے حمزہ شہباز کو حسد، تکبر اور سیاسی انتقام کا نشانہ بنایا ۔‎ دعا ہے کہ سیاسی انتقام اور ووٹ چوری کے بادل جلد چھٹ جائیں اور شہبازشریف کی قید ناحق بھی ختم ہو ۔‎عوام ووٹ ،آٹا، چینی، بجلی، گیس، دوائی چوری ، روزانہ کی مہنگائی، حکمرانوں کی لوٹ مار سے زخموں سے چور ہوچکے ہیں۔