سٹیٹ بینک نے ملک میں ڈالر کی دستیابی کے فروغ کیلئے اہم سرکلر جاری کردیا

(اشرف خان) سٹیٹ بینک نے ملک میں ڈالر کی دستیابی کے فروغ کیلئے اہم سرکلر جاری کردیا۔ 

سٹیٹ بینک نے ملک بھر کی تمام ایکسچینج کمپنیز کو ملک میں نقد ڈالر لانے کی اجازت دیدی۔سرکلر  کے مطابق ایکسچینج کمپنیز ڈالر کارگو سروس کے ذریعے نقد ڈالر امپورٹ کرسکتی ہیں۔ ایکسچینج کمپنیز کرنسی ایکسپورٹ کی مد میں 50 فیصد نقد ڈالر منگواسکتی ہیں۔ 

یہ بھی پڑھیں: گیس کے بعد بجلی بھی مہنگی، فی یونٹ کتنا اضافہ ہوا؟

سٹیٹ بینک نے ایکسچینج کمپنیز کو 31 دسمبر 2023 تک نقد ڈالر منگوانے کا پروانہ جاری کردیا۔ ایکسچیبج کمپنیز ٹیلی گرافک ٹراسفر کے علاوہ شمپنٹ کے 50 فیصد  حصے کے مطابق نقد ڈالر منگوانے کی مجاز ہوں گیں۔ 

ای کیپ جنرل سیکرٹری ظفر پراچہ کا کہنا ہے کہ ایکسچیبج کمپنیز کا ڈالر امپورٹ کرنا انٹربینک اور اوپن مارکیٹ میں ڈالر کے فرق کو کم کریگا ، سٹیٹ بینک کا ایکسچینج کمپنیوں کو نقد ڈالر امپورٹ کرنے کا سرکلر ڈالر کی قلت کو دور کریگا ،  سٹیٹ بینک کا ڈالر امپورٹ کرنے کا فیصلہ خوش آئند ہے۔