اسحاق ڈار کی ایرانی سیکرٹری علی لاریجانی سے ملاقات، دوطرفہ تعلقات مضبوط بنانے پر اتفاق

(24نیوز)وزیر خارجہ و نائب وزیراعظم سینٹر محمد اسحاق ڈار نے پاکستان میں ایران کے سپریم نیشنل سیکیورٹی کونسل کے سیکرٹری ڈاکٹر علی لاریجانی سے ملاقات کی۔

ملاقات کے دوران دونوں رہنماؤں نے دو طرفہ تعلقات کو مختلف شعبوں میں مضبوط بنانے اور علاقائی و بین الاقوامی امور میں باہمی تعاون کو فروغ دینے کے عزم کا اعادہ کیا۔

 وزیر خارجہ نے کہا کہ پاکستان اور ایران کے تعلقات تاریخی، ثقافتی اور اقتصادی اعتبار سے اہمیت کے حامل ہیں اور دونوں ممالک کی کوشش ہے کہ باہمی تعاون کے نئے مواقع پیدا کیے جائیں۔

ڈاکٹر لاریجانی نے بھی اس موقع پر تعلقات کی مزید ترقی اور دو طرفہ مفادات کے تحفظ میں تعاون کی ضرورت پر زور دیا۔

دوسری جانب پاکستان میں تعینات ایران کے سفیر نے اپنے ایکس پوسٹ میں ایران کی اعلی قومی سلامتی کونسل کے سیکرٹری کے اس دورے کو بے نظیر قرار دیا۔

Deputy Prime Minister/Foreign Minister Senator Mohammad Ishaq Dar @MIshaqDar50 received Dr. Ali Larijani @alilarijani_ir, Secretary of Iran’s Supreme National Security Council, during his official visit to Pakistan today.

Both sides reaffirmed commitment to deepening bilateral… pic.twitter.com/W70HfuLrVr

— Ministry of Foreign Affairs - Pakistan (@ForeignOfficePk) November 25, 2025

اپنی ایک ایکس پوسٹ میں رضا امیری مقدم نے لکھا کہ یہ دورہ ایک تاریخی موڑ اور اہم لمحہ ثابت ہوگا، جس کے ذریعے دونوں برادر اقوام کے مضبوط اور آزمائے ہوئے تعلقات ایک نئے اسٹریٹیجک مرحلے میں داخل ہوں گے۔

ایرانی سفیر نے زور دیتے ہوئے کہا کہ دنیا میں تیز رفتار تبدیلیوں اور اس خطے کے نظام میں جدید تحرک کے پیش نظر ایران اور پاکستان کے تعلقات کو فروغ دینے کے لیے اسٹریٹیجی کی تیاری پہلے سے کہیں زیادہ ضروری ہے۔