کاہنہ: قتل کی لرزہ خیز واردات،سی سی ٹی وی فوٹیج نے بھید کھول دیا
Stay tuned with 24 News HD Android App
(ویب ڈیسک)کاہنہ میں خاتون کے قتل کی لرزہ خیر واردات، پولیس نے سی سی ٹی وی فوٹیج کی مدد سے قاتلہ ماں بیٹی اور بیٹے کو گرفتار کرلیا۔
تفصیلات کے مطابق کاہنہ میں قسطوں کی رقم واپس مانگنے پر ماں بیٹی اور بیٹے نے یاسمین نامی خاتون کو چھریوں کے وار کرکے موت کے گھاٹ اتاردیا اور بعد ازاں اس کی لاش کو ماں بیٹی کارٹن میں بند کرکے ویرانے میں پھینک آئیں تاہم کیمرے کی آنکھ نے قاتلہ ماں بیٹی کو کارٹن پھینکتے ہوئے دیکھ لیا۔
لرزہ خیز قتل کی واردات کی سی سی ٹی وی فوٹیج حاصل کرلی گئیں، فوٹیج میں دیکھا جاسکتا ہے کہ بشریٰ اور انعم رات کے وقت یاسمین کی نعش کو ویرانے میں پھینکنے کیلئے گھسیٹ کر لے جارہی ہیں۔
ایس پی ماڈل ٹاؤن وقار عظیم کا کہنا ہےکہ سی سی ٹی وی فوٹیج کی مدد سے ملزمان بشریٰ اور انعم اور طاہر کو کاہنہ کے نواحی علاقے سے گرفتار کرلیا گیا، ملزمان سے آلہ قتل بھی برآمد کرلیا، مقتولہ کے شوہر کی درخواست پر دفعہ 302 کےتحت مقدمہ درج کرکے تفتیش شروع کردی گئی، ملزمان کو کیفر کردار تک پہنچایا جائے گا۔
یہ بھی پڑھیں: تیز ہوائوں نے شہری کو عجیب صورتحال سے دو چار کر دیا