روس کا یوکرین پرحملہ ، کئی شہروں پر میزائل برسا دیئے، 40 فوجیوں سمیت 50 افراد ہلاک
Stay tuned with 24 News HD Android App
(ویب ڈیسک)روس نے یوکرین پر حملہ کردیا ،یوکرین کے کئی شہر دھماکوں سے لرز اٹھے ، روسی حملے میں 40 فوجیوں سمیت 50 افراد ہلاک ہوگئے۔
تفصیلات کے مطابق یوکرین کی پریذیڈینسی کی جانب سے جاری بیان کے مطابق روسی حملے میں اب تک 40 فوجی اور10 شہری ہلاک ہوئے ہیں۔جبکہ روس کے فوجی دستے یوکرین کے مختلف علاقوں میں داخل ہوگئے یوکرین کا ایئر ڈیفنس سسٹم بھی مکمل طور پر تباہ کردیا گیا ۔روسی فوج نے یوکرین کے فوجی اڈوں کو بھی میزائل حملوں کا نشانہ بنایا ہے۔روس نے یوکرین کے کئی علاقوں پر میزائل حملے اور فضائی آپریشن کیا جبکہ کئی علاقوں میں فوجیوں کی لڑائی جاری ہے ۔ یوکرین کے دارالحکومت کیف میں ملٹری کمانڈ سنٹرز پر میزائل داغے گئے جبکہ مختلف شہروں میں دھماکوں کی آوازیں سنائی دے رہی ہیں ۔
Shelling of Mariupol. OSINT mavens, have at it. pic.twitter.com/ErUKzaHjy1
— Michael Weiss (@michaeldweiss) February 24, 2022
یوکرین کے مختلف شہروں میں فوجی ترسیل کے نظام کوبھی تباہ کردیاگیا جبکہ یوکرین کے فوجی ہیڈکوارٹرز، ہوائی اڈوں، فوجی گوداموں پر میزائل داغے گئے ۔یوکرین کے ساحلی شہر وڈیسا ،کرما تورکس ،ماریوپول بھی دھماکوں سے لرز اٹھے ۔
Putin has just launched a full-scale invasion of Ukraine. Peaceful Ukrainian cities are under strikes. This is a war of aggression. Ukraine will defend itself and will win. The world can and must stop Putin. The time to act is now.
— Dmytro Kuleba (@DmytroKuleba) February 24, 2022
کئی شہروں میں روس کی فضائیہ بھی حملے کررہی ہے ۔
Kharkiv pic.twitter.com/LfwcNmOhwA
— OSINTtechnical (@Osinttechnical) February 24, 2022
واضح رہے کہ کچھ دیر قبل روسی صدر نے یوکرین کے علاقے ڈونباس میں فوجی آپریشن کا اعلان کرتے ہوئے یوکرائن کی فوج سے ہتھیارڈالنے کا مطالبہ کیا تھا ۔ روسی صدر کا کہنا تھا کہ بیرونی مداخلت ہوئی تو اس کا جواب دیں گے۔ صدرولادی میرپیوٹن نے کہا کہ روس کویوکرین کی جانب سے لاحق خطرات کے باعث یوکرین میں فوجی کارروائی کی جائے گی ہم یوکرین پرقبضہ نہیں کرنا چاہتا۔صدرپیوٹن کا مزید کہنا تھا کہ یوکرین میں فوجی آپریشن کا مقصد یوکرین کو ڈی ملٹرائز کرنا ہے۔ یوکرین کے جوفوجی ہتھیارڈال دیں گے انہیں محفوظ علاقوں میں جانے کی اجازت دے دی جائیگی۔
یہ بھی پڑھیں:گائے کا گوشت کیوں کھایا:بدترین تشدد کے بعد مسلمان شہید