مداح کا فون پھینکنے پر رونالڈو پر 2 میچز کی پابندی اور بھاری جرمانہ عائد

(ویب ڈیسک)پرتگال کے سٹار فٹبالر کرسٹیانو رونالڈو ایک اور مشکل میں پھنس گئے، فٹبالر پر مداح کے ہاتھ سے اس کا موبائل فون نیچے پھینکنے پر 2 ڈومیسٹک میچوں کی پابندی عائد کر دی گئی ہے۔
رواں سال اپریل میں مانچسٹر یونائیٹڈڈ کی جانب سے کھیلتے ہوئے رونالڈو نے انگلش فٹبال کلب ایورٹن کے ہاتھوں شکست کے بعد میدان سے ڈریسنگ روم میں جاتے ہوئے تماشائیوں میں موجود ویڈیو بنانے والے ایک مداح کے فون پر غصے سے ہاتھ مار کر موبائل نیچے پھینک دیا تھا۔بعد ازاں رونالڈو نے فین کے ساتھ کئے اپنے عمل پر انسٹاگرام پر معافی بھی مانگی تھی۔

تاہم اس واقعہ کی تحقیقات جاری تھی جو اب مکمل ہوگئی ہے، جس کے بعد فٹبال ایسوسی ایشن نے رونالڈو پر 2 ڈومیسٹک میچز کی پابندی کے ساتھ 50 ہزار پاؤنڈز کا جرمانہ بھی عائد کردیا۔
فٹبال ایسوسی ایشن کے مطابق رونالڈو پر 2 میچز کی پابندی ڈومیسٹک سطح پر ہونے والے کلب میچز کیلئے ہے ، انٹرنیشنل میچز پر ان کی یہ پابندی اثر انداز نہیں ہوگی اور وہ ورلڈکپ میں پرتگال کی نمائندگی کرسکتے ہیں۔ اس کے علاوہ چیمپئنز لیگ کے میچز پر بھی اس پابندی کا اطلاق نہیں ہوگا۔

Manchester United forward Cristiano Ronaldo has apologised after he appeared to knock a mobile phone out of a fan’s hand after his side lost to Everton
والدة "طفل الهاتف" ترفض اعتذار كريستيانو pic.twitter.com/nS0pomFleS

— Randa Ahmed (@Rimas_Rosa) April 12, 2022

خیال رہے کہ گزشتہ روز پرتگال کے سٹار فٹبالر کرسٹیانو رونالڈو کی انگلش فٹبال کلب مانچسٹر یونائیٹڈ سے راہیں جدا ہو گئی تھیں۔

یہ بھی پڑھیں: پاک فوج میں دونوں تقرریاں 2 مختلف دنوں میں ہو سکتی ہیں، اسحاق ڈار