ساؤتھ افریقا نے ویمنز ٹی ٹوئنٹی ورلڈ کپ کے سیمی فائنل کیلئے کوالیفائی کرلیا

(ویب ڈیسک) ساؤتھ افریقا ویمنز کرکٹ ٹیم نے بنگلا دیش کو شکست دے کر ٹی 20 ورلڈ کپ کے سیمی فائنل کیلئے کوالیفائی کر لیا جہاں اسے انگلینڈ کا چیلنج درپیش ہوگا۔

کیپ ٹاؤن میں کھیلے گئے میگا ایونٹ کے گروپ 1 کے میچ میں ساؤتھ افریقا نے بنگلا دیشی ٹیم کو 10 وکٹوں سے شکست دے کر سیمی فائنل کیلئے کوالیفائی کیا، فاتح ٹیم کی کھلاڑی لورا وولوارڈٹ میچ میں بہترین کارکردگی پر پلیئر آف دی میچ قرار پائیں۔

میگا ایونٹ کے 20 ویں میچ میں بنگلا دیش نے پہلے بیٹنگ کرتے ہوئے مقررہ اوورز میں 6 وکٹوں کے نقصان پر 113 رنز بنائے، کپتان نگار سلطانہ 30 اور سوبھانہ موستری 27 رنز کی اننگ کھیل کر نمایاں بیٹر رہیں، ماریزان کیپ اور آیا بونگا نے دو، دو وکٹیں حاصل کیں۔

South Africa are through to the semi-finals ????#SAvBAN | #T20WorldCup | #TurnItUp pic.twitter.com/lXNhK4i6AT

— ICC (@ICC) February 21, 2023

ہدف کے تعاقب میں ساؤتھ افریقا نے 17.5 اوورز میں بغیر کسی نقصان کے 117 رنز بنا کر 10 وکٹوں سے فتح سمیٹ لی، اوپنرز لورا وولوارڈٹ 66 اور تزمین برٹس 50 رنز کے ساتھ ناقابل شکست رہیں۔

فاتح ٹیم کی کھلاڑی لورا وولوارڈٹ میچ میں بہترین کارکردگی پر پلیئر آف دی میچ قرار پائیں۔