آئی ایم ایف کا پاکستان کی معیشت میں بہتری کا اعتراف

(ویب ڈیسک)عالمی مالیاتی فنڈ نے پاکستان کی معیشت میں بہتری کا اعتراف کرلیا۔
آئی ایم ایف کی ڈائریکٹر کمیونیکیشن جولی کوزیک نے واشنگٹن میں پریس بریفنگ میں بتایا کہ آئی ایم ایف کا وفد 25 فروری سے پاکستان کا دورہ کرے گا۔
ڈائریکٹر کمیونیکیشن جولی کوزیک نے بتایا کہ آئی ایم ایف وفد اس دورے کے دوران توسیعی فنڈ سہولت (ای ایف ایف) پروگرام کے تحت تیسرے جبکہ ریزیلینس اینڈ سسٹین ایبلٹی فیسلٹی  (آر ایس ایف) کے دوسرے جائزے پر بات چیت کرے گا۔
ڈائریکٹر کمیونیکیشن جولی کوزیک نے اس موقع پراعتراف کیا کہ ای ایف ایف کے تحت پاکستان کی پالیسیوں سے معیشت کو استحکام ملا،مالی سال 2025 میں پاکستان کی مالی کارکردگی مضبوط رہی اور ملک نے جی ڈی پی کا 1.3 فیصد بنیادی مالیاتی سرپلس حاصل کیا جو پروگرام کے اہداف کے مطابق ہے۔

یہ بھی پڑھیں:رمضان المبارک کے دوران ریاض الجنہ کی زیارت کا نیا شیڈول جاری
جولی کوزیک نے مزید بتایا کہ پاکستان میں مہنگائی کی شرح قابو میں رہی جبکہ مالی سال 2025 میں ملک نے 14 سال بعد پہلی مرتبہ کرنٹ اکاؤنٹ سرپلس بھی ریکارڈ کیا۔