جان ابراہیم کی فلم ’ستیہ میو جیتے۔2‘ عید  پر ریلیز ہو گی

(24  نیوز)بھارتی فلموں کےماچو مین جان ابراہیم کی آنے والی فلم ’ستیہ میو جیتے۔2‘ عید کے موقع پر ریلیز ہوگی۔

میڈیا رپورٹس کے مطابق جان ابراہیم ان دنوں اپنی آنے والی فلم ’ستیہ میو جیتے۔2‘ کے لئے زیر بحث ہیں۔اس فلم میں جان کے ساتھ دیویا کھوسلہ کمار کا بھی اہم کردار ہے۔جان ابراہیم نے فلم ’ستیہ میو جیتے۔2‘ کا نیا پوسٹر ریلیز کیا ہے۔اس فلم کے نئے پوسٹر میں جان ابراہیم دو مختلف کرداروں میں نظر آرہے ہیں۔ایک میں جان پولیس اہلکار کی حیثیت سے نظر آرہے ہیں تو وہیں دوسرے کردار میں انہوں نے بنیان پہنا ہوا ہے اور وہ ایکشن موڈ میں ہیں۔جان ابراہیم نے ٹویٹ کرتے ہوئے لکھا ’’اس عید ستیہ ورسیز جے دونوں لڑیں گے ستیہ میو جیتے۔
2 فلم 13 مئی عید کے موقع پر ریلیز ہوگی۔