خیبر پختونخوا میں آندھی اور تیز بارشوں سے 7 افراد جاں بحق،33زخمی 

(ملک رحمان)خیبر پختونخوا میں آندھی اور تیز بارشوں سے ایک دن میں 7 افراد جاں بحق،33زخمی ہوگئے۔
پی ڈی ایم اے خیبرپختونخوانے گزشتہ 24 گھنٹوں کے دوران تیز آندھی، آسمانی بجلی اور تیز بارشوں کے باعث صوبے کے مختلف اضلاع میں ہونے والے جانی و مالی نقصانات کی رپورٹ جاری کردی۔
پی ڈی ایم اے خیبرپختونخواکے مطابق بنوں، شانگلہ اور مانسہرہ میں چھتیں اور دیواریں گرنے سے جانی و مالی نقصان ہوا،بارشوں اور تیز آندھی کے باعث گھروں کی چھتیں اور دیواریں گرنے سےاب تک 7 افراد جاںبحق اور33  زخمی ہوچکے ہیں۔

یہ بھی پڑھیں:امریکہ میں فوجی طیارہ گر کر تباہ
 پی ڈی ایم اے کے مطابق یہ حادثات صوبہ کے مختلف اضلاع بنوں، شانگلہ اور مانسہرہ میں پیش آئے۔