بھارتی فلمساز نے عمران خان پر گانا چورانے کا الزام لگا دیا

(ویب ڈیسک)بھارت کی متنازع فلم "دی کشمیر فائلز" کے ہدایتکار و پروڈیوسر وویک اگنی ہوتری نے پاکستان تحریک انصاف (پی ٹی آئی) کے چیئرمین اور سابق وزیر اعظم عمران خان پر اپنی فلم کا گانا چرانے کا الزام عائد کر دیا۔

سماجی رابطے کی سائٹ ٹوئٹر  پر  ٹوئٹ کرتے ہوئے فلمساز وویک اگنی ہوتری نے دعویٰ کیا ہے کہ سابق وزیرِاعظم کی ویڈیو پر چلنے والا گانا ان کی فلم "دی کشمیر فائلز" کا آفیشل گانا ہے۔

وویک  نے ٹوئٹر پر عمران خان کے انسٹاگرام اکاؤنٹ سے شیئر کی جانے والی ویڈیو پوسٹ کی، ویڈیو سے متعلق بھارتی فلم ساز نے دعویٰ کیا کہ ویڈیو کے پیچھے چلنے والا گانا 'ہم دیکھیں گے' ان کی فلم کشمیر فائلز کا آفیشل گانا ہے۔

IRONY OF PAKISTAN:

See the power of Indic cinema. The official account of @ImranKhanPTI is using the official song of #TheKashmirFiles illegally in his official video on Instagram. pic.twitter.com/ZyJPpKTXNa

— Vivek Ranjan Agnihotri (@vivekagnihotri) May 11, 2023

انہوں نے ایک اور ٹوئٹ میں بتایا کہ یہ گانا شاعر فیض احمد فیض کا تحریر کردہ ہے تاہم انہوں نے اس گانے کے حقوق فیض ہاؤس سے لے رکھے ہیں اور یہ ان کی فلم "دی گشمیر فائلز " کا نئے ورژن پر بنا گانا ہے۔ اگنی ہوتری کا کہنا ہے کہ  عمران خان نے اپنی ویڈیو پر غیر قانونی طور پر ان کی فلم کا گانا استعمال کیا ہے۔

For the ill informed, this is written by Faiz Ahmad Faiz. We bought the rights from Faiz House. There are many versions. This is our legal copyright version. pic.twitter.com/bGOFjNksNb

— Vivek Ranjan Agnihotri (@vivekagnihotri) May 11, 2023

 یاد رہے کہ "ہم دیکھیں گے" پاکستانی شاعر فیض احمد فیض کی مشہور اور سدا بہار اردو نظم ہے جوبغاوت کا ترانہ بن کر دنیا بھر میں مقبول ہوئی، اس نظم کو مختلف ادوار میں ، مختلف فنکاروں کی جانب سے فلمایا گیا ہے۔

اب حال ہی میں اسلام آباد ہائیکورٹ کی حدود سے رینجرز کے ہاتھوں چیئرمین پی ٹی آئی کی گرفتاری کے دوران کئی پرتشدد مظاہرے دیکھنے میں آئے تھے جب کہ عمران خان کے حامیوں کی ریاستی مشینری کے ساتھ جھڑپیں بھی ہوئیں۔تحریک انصاف کے سوشل میڈیا اکاؤنٹس سمیت چیئرمین پی ٹی آئی کے ذاتی انسٹاگرام اکاؤنٹ سے ان احتجاجی مظاہروں کی مختلف ویڈیوزشیئر کی گئی تھیں جن میں سے ایک کے پیچھے یہ گانا چل رہا تھا

View this post on Instagram

A post shared by Imran Khan (@imrankhan.pti)