انتخابی ضابطہ اخلاق کی خلاف ورزی، زین قریشی کے خلاف انکوائری شروع

(ویب ڈیسک) پی پی 217  ملتان کے ضمنی الیکشن میں پی ٹی آئی امیدوار زین قریشی  پر ضابطہ اخلاق کی خلاف ورزی کے الزام کی انکوائری شروع کردی گئی ہے۔ 

ڈسٹرکٹ مانیٹرنگ افسر نے معاملے کی انکوائری کا نوٹیفکیشن جاری کر دیا ہے جس میں کہا گیا ہے کہ زین قریشی ووٹرز کو لالچ دے رہے ہیں۔ سوشل میڈیا پرزین قریشی پر کرپٹ پریکٹسز میں ملوث ہونے کا الزام لگایا جارہا ہے۔ 

یہ بھی پڑھیں: ضمنی انتخابات پر عمران خان کا ممکنہ ردعمل، راناثنا اللہ کا سنسنی خیز انکشاف

ڈی ایم او کی جانب سے اسسٹنٹ کمشنر صدر اور سیکرٹری آر ٹی اے کو انکوائری آفیسرز مقرر کیا گیا ہے۔ انکوائری آفیسرز کو جلد رپورٹ پیش کرنے کی ہدایت کی گئی ہے۔

واضح رہے کہ زین قریشی سابق وزیر خارجہ شاہ محمود قریشی کے صاحبزادے ہیں اور مسلم لیگ ن کے امیدوار محمد نعیم کے مقابلے میں الیکشن لڑ رہے ہیں۔