کراچی کے عوام بانی پی ٹی آئی کے نمائندے کو مایوس نہ کریں :بیرسٹرگوہر

(24نیوز)چیئرمین پی ٹی آئی بیرسٹر گوہر علی خان نے کہا ہے کہ وزیراعلیٰ سہیل آفریدی کا آج دورہ سندھ کا آخری دن ہے ،سندھ حکومت سے اپیل کی ہے کہ آخری دن کوئی بدمزگی نہ پیدا کی جائے اور اچھے ماحول کو قائم رہنے دیا جائے۔
بیرسٹر گوہر علی نے ایکس پر اپنے پیغام میں کہا کہ جلسہ مقررہ وقت اور مقام پر قانون کے مطابق جمہوری انداز میں ہوگا اور یہ کسی کے خلاف نہیں بلکہ اپنے حقوق کے لیے منعقد کیا جا رہا ہے۔
 انہوں نے کہا ہم نے بہت برداشت کیا، آپ بھی ایک دن صبر کر لیں۔

یہ بھی پڑھیں:سہیل آفریدی کی پنجاب اسمبلی آمد پر ہنگامہ آرائی کی تحقیقات کا باقاعدہ آغاز
بیرسٹرگوہرنے مزیدکہاکہ کراچی کے عوام بانی پی ٹی آئی کے نمائندے کو مایوس نہ کریں اور جلسے میں بھرپور شرکت کریں۔