امریکہ'لاپرواہ فوجی مہم جوئی'  کر رہا ہے،  ایران امریکی دباؤ کے سامنے نہیں جھکے گا ، عباس عراقچی

(ویب ڈیسک) ایران نے کہا ہے کہ  امریکہ'لاپرواہ فوجی مہم جوئی'  کر رہا ہے۔    ایران امریکی دباؤ کے سامنے نہیں جھکے گا
ایران کے وزیر خارجہ عباس عراقچی نے کہا کہ ایران امریکی دباؤ کے سامنے نہیں جھکے گا۔
ایران کے وزیر خارجہ عباس عراقچی نے کہا  کہ جب بھی کوئی "سفارتی حل میز پر آتا ہے" ، امریکہ ایک "لاپرواہ فوجی مہم جوئی" کرنے لگتا ہے۔

عباس عراقچی نے سوشل پلیٹ فارم ایکس پر لکھا،  ایرانی "کبھی دباؤ کے سامنے نہیں جھکیں گے"، عراقچی نے یہ بات  آبنائے ہرمز میں  ایران اور امریکہ کے ایک دوسرے پر حملوں کے بعد کہی ہے۔  پہلے ایران کی جانب سے امریکہ کے بحری جہاز پر فائرنگ کا واقعہ سامنے آیا اس کے بعد امریکہ کی طرف سے ایرانی اہداف پر حملے کئے گئے۔ پھر  امریکہ کی جانب سے مزید ایرانی جہازوں پر فائرنگ کی اطلاعات آئیں۔

سینٹ کام نے ایران پر اپنے تین جنگی بحری جہازوں کے خلاف میزائل، ڈرون اور چھوٹی کشتیوں سے حملہ کرنے کا الزام لگایا، جسے اس نے "بلا اشتعال حملہ" قرار دیا۔

آبنائے ہرمز میں جھڑپوں کے باوجود ٹرمپ نے کہا کہ جنگ بندی برقرار ہے۔ اس کا مقصد فروری میں امریکہ اور اسرائیل کی طرف سے شروع کی گئی جنگ کے خاتمے کے لیے بات چیت کو ممکن بنانا ہے۔

امریکی وزیر خارجہ مارکو روبیو کے مطابق، ایران سے جمعہ کو امریکی تجاویز کا جواب متوقع تھا لیکن ہفتے کی شام تک اسلام آباد مین ایران سے امریکہ کی تجاویز کے کسی جواب کی آمد کے متعلق مکمل خاموشی ہے۔

"مجھے امید ہے کہ یہ ایک سنجیدہ پیشکش ہے۔" روبیو نے اٹلی کے دورے کے دوران امریکہ کی حالیہ ون پیج مفاہمت کی دستاویز کے متعلق  کہا۔

ایران آبنائے ہرمز کو کنٹرول کرنے کے ساتھ ساتھ خلیج میں امریکی اور اسرائیلی حملوں کے جواب میں امریکی اتحادیوں پر حملے کرتا رہا ہے۔ دنیا کا تقریباً 20 فیصد تیل اور مائع قدرتی گیس اس اہم آبی گزرگاہ سے گزر کر دنیا بھر مین مختلف ملکوں تک پہنچتا ہے۔ آبنائے ہرمز سے گزر کر  آئل ٹینکرز کے آگے جانے میں رکاوٹ نے دنیا میں خام تیل کی قیمتوں میں اضافہ کر دیا ہے۔

اس ہفتے کے شروع میں، امریکہ کے صدر ٹرمپ نے فروری سے اس علاقے میں پھنسے ہوئے تقریباً 2,000 جہازوں کو  "آزاد کرانے"  میں مدد کے لیے امریکی فوجی آپریشن شروع کیا - اور پھر روک دیا گیا۔

امریکہ ایرانی بندرگاہوں کی بحری ناکہ بندی بھی برقرار رکھے ہوئے ہے تاکہ تہران پر امریکی شرائط پر راضی ہونے کے لیے دباؤ ڈالا جا سکے - عارضی جنگ بندی ہونے کے بعد یہ ایک ایسا اقدام جس نے تہران کو پریشان کیا ہے۔

جمعے کے روز، یو ایس سینٹرل کمانڈ (سینٹ کام) نے کہا کہ امریکی فورسز نے "جاری امریکی ناکہ بندی کی خلاف ورزی کرتے ہوئے" خلیج عمان کی ایک ایرانی بندرگاہ میں گھسنے کی کوشش کرنے والے دو ایرانی پرچم والے تیل کے خالی ٹینکروں کو ناکارہ بنا دیا ہے۔

بیان میں کہا گیا ہے کہ امریکی افواج نے ہدایات کی تعمیل نہ کرنے والے جہازوں کو ایران میں داخل ہونے سے روک دیا گیا تھا۔

سینٹ کام نے کہا کہ امریکی افواج 70 سے زائد ٹینکروں کو ایرانی بندرگاہوں میں داخل ہونے یا جانے سے روک رہی ہیں۔

دریں اثنا، امریکی نائب صدر جے ڈی وینس نے جمعے کے روز واشنگٹن میں قطر کے وزیراعظم شیخ محمد بن عبدالرحمن الثانی سے ملاقات کی جس میں امریکا اور ایران کے درمیان پاکستان کی ثالثی کی کوششوں پر تبادلہ خیال کیا۔

ملک کی وزارت خارجہ کی طرف سے X پر ایک بیان پڑھا گیا، قطری وزیر اعظم نے تمام فریقوں پر زور دیا کہ وہ "بحران کی بنیادی وجوہات" کو حل کرنے اور "پائیدار امن" کے حصول کے لیے مذاکرات میں شامل ہوں۔

دریں اثناء ایران کی اعلیٰ فوجی کمان نے الزام لگایا کہ امریکہ نے ایک ایرانی آئل ٹینکر اور آبنائے ہرمز کی طرف آنے والے ایک دوسرے جہاز کو نشانہ بنایا اور کئی ساحلی علاقوں پر "فضائی حملے" کئے۔

جنوبی صوبہ ہرمزگان کے ایک اہلکار محمد ردمہر کے مطابق، مناب کے پانی کے قریب حملہ میں کارگو جہازوں میں سے ایک میں آگ لگ گئی۔

ردمہر نے ایران کی سرکاری خبر رساں ایجنسی مہر کو بتایا، "دس زخمی ملاحوں کو ہسپتال منتقل کر دیا گیا ہے، اور مقامی گروپ اور سرچ ٹیمیں دوسرے ملاحوں کی قسمت جاننے کی کوشش کر رہی ہیں۔"

امریکی صدر ڈونلڈ ٹرمپ نے  اس  رات ٹروتھ سوشل پر پوسٹ کیا کہ امریکہ نے متعدد چھوٹی کشتیاں، میزائل اور ڈرون تباہ کر دیے ہیں، انہوں نے مزید کہا کہ ایرانی حملہ آوروں کو "بہت نقصان" پہنچا ہے۔

"جس طرح آج ہم نے انہیں دوبارہ ناک آؤٹ کیا ہے، ہم انہیں بہت مشکل سے، اور بہت زیادہ پرتشدد طریقے سے، مستقبل میں، اگر وہ اپنی ڈیل پر دستخط نہیں کراتے ہیں، جلدی کریں گے!"