بارش کے حوالے سے اہم پیش گوئی

(24 نیوز)محکمہ موسمیات نے کہاہے کہ ملک کے بیشتر بالائی علاقوں میں موسم سرد اورمطلع ابر آلود رہے گا ،شمالی بلوچستان اور خیبرپختونخوا، میں بارش اور برفباری کی توقع ہے ،گلگت بلتستان، خطہ پوٹھوہار اور کشمیر میں بارش اور برفباری کی توقع ہے جبکہ پنجاب کے میدانی علاقوں میں دھند چھائے رہنے کا امکان ہے۔
محکمہ موسمیات نے پیر کے روز موسم کی صورتحال کے حوالے کہاہے کہ اسلام آباد میں موسم سرد اور مطلع جزوی ابر آلود رہے گا،اسلام آباد میں صبح کے اوقات میں ہلکی بارش کا امکان ہے ، خیبرپختونخوا کے بیشتر بالائی اضلاع میں موسم سرد اور مطلع جزوی ابر آلود رہے گا، لیکن دیر، چترال، سوات ، کوہستا ن، ایبٹ آباد ، مانسہرہ اور بونیر میں بارش اور برفباری متوقع ہے ۔

یہ بھی پڑھیں: محکمہ سکول ایجوکیشن کا سردی کی چھٹیوں میں اضافے سے متعلق اہم اعلان
رپورٹ کے مطابق پنجاب کے بیشتر اضلاع میں موسم سرد اور خشک رہے گا ، مری ،گلیات اور گرد و نواح میں موسم شدید سرد اور ہلکی بارش برفباری کا امکان ہے، لاہور، شیخوپورہ، گوجرانوالہ، نارووال، سیالکوٹ،فیصل آباد، سرگودھا، اوکاڑہ میں دھند پڑنے کا امکان ہے ، ساہیوال، بہاولپور، بہاولنگر،منگلا ، جہلم، منڈی بہاو¿الدین، جوہر آباد اور ڈیرہ غازی خان میں دھند پڑنے کا امکان ہے۔
محکمہ موسمیات کاکہناتھا کہ بلوچستان کے بیشتر اضلاع میں موسم سرد اور خشک رہے گا ، بلوچستان کے شمالی اضلاع میں موسم شدید سرد اور مطلع جزوی ابرآلود رہے گا، سندھ کے بیشتر اضلاع میں بھی موسم سرد اور خشک رہے گا ، صبح کے اوقات میں سکھر، لاڑکانہ، حیدر آباد، موہنجوداڑو میں دھند پڑنے کا امکان ہے ،کشمیر اور گلگت بلتستان میں بارش اور برفباری کا امکان ہے ۔

یہ بھی پڑھیں: پی ٹی آئی کے رکن پنجاب اسمبلی کا سردیوں کی چھٹیاں بڑھانے کا مطالبہ