قومی اتحاد کو عمران خان کی رہائی سے مشروط کرنا پی ٹی آئی  کی کوتاہ اندیشی ہے،خواجہ آصف

(اویس کیانی)وزیر دفاع خواجہ آصف نے کہا ہے کہ قومی اتحاد اور یک جہتی کے اظہار کو عمران خان کی شرکت/رہائی سے مشروط کرنا پی ٹی آئی  کی کوتاہ اندیشی ہے،یہ حب الوطنی کو مشروط کرنے کے مترادف ہے۔

سماجی رابطے کی ویب سائٹ ایکس پر اپنے بیان میں خواجہ آصف نے کہاکہ  پلوامہ کے واقعہ کے وقت ہماری قیادت کا بیشتر حصہ عمران خان کی فرمائش پہ قید تھا۔جیلو ں سے باہر قیادت نے  عمران خان کی بلائی بریفنگ میں شرکت کی گو عمران خان نے اس بریفنگ میں ہمارے ساتھ بیٹھنے سے انکار کر دیالیکن ہم نے قومی اتحاد میں رخنہ نہ ڈالا۔  

وزیر دفاع نے کہاکہ وطن اور اسکی سلامتی شخصیات اور لیڈرشپُ سے کہیں زیادہ اہم ھے ۔ پاکستان کو تا قیامت دوام ہے انشا ء اللہ ۔ 

خواجہ آصف کا مزید کہنا تھا کہ  بڑے محترم لیڈر آۓ اور دنیا سے رخصت ہوئےاپنی یاد چھوڑ جاتے ہیں قومیں زندہ رہتی ہیں۔