"آج کے بعد تم سے کوئی شکوہ نہیں رہا" خلیل الرحمان قمر کا ماہرہ خان کو میسیج
Stay tuned with 24 News HD Android App
(ویب ڈیسک)معروف اداکارہ ماہرہ خان اور ڈرامہ نگار خلیل الرحمان قمر کے درمیان تلخ کے بعددونوں طرف سے برف پگھلنے لگی۔
ڈرامہ نگار، شاعر اور مصنف خلیل الرحمان قمر نے اداکارہ ماہرہ خان کو ایک میسیج بھیجا ہے جو دراصل اداکارہ کے ایک حالیہ بیان پر لکھاری کا جواب ہے۔
خلیل الرحمان قمر نے ایک انٹرویو میں بتایا کہ ماہرہ خان نے پوڈ کاسٹ میں تسلیم کیا کہ میرے خلاف ٹویٹ کرنے کے بجائے ماہرہ خان کو مجھ سے براہ راست فون پر بات کرنی چاہیے تھی،اس پرمعروف ڈرامہ نگار نے کہا کہ یہ ماہرہ خان کا بڑا پن ہے۔ میں ان کی بہت عزت کرتا ہوں۔ ہمارے درمیان ہمیشہ احترام کا رشتہ رہا ہے۔
خلیل الرحمان قمر نے مزید کہا کہ میں نے جب بھی ماہرہ خان پر تنقید کی، اُس سے خود مجھے تکلیف ہوئی تھی،ماہرہ خان کی تازہ گفتگو سن کر میں نے انہیں میسیج کیا کہ آج کے بعد تم سے کوئی شکوہ نہیں رہا۔
واضح رہے کہ چند روز قبل ماہرہ خان نے ایک پوڈکاسٹ میں گفتگو کرتے ہوئے ماضی کے ایک واقعے کو یاد کرتے ہوئے کہاتھا کہ انہوں نے خلیل الرحمان قمر پر ماضی میں جو تنقید کی تھی وہ جذباتی ردعمل تھا اور انھیں براہ راست بات کرنی چاہیے تھی۔ماہرہ خان کا کہنا تھا اگر آپ سمجھتے ہیں کہ میں غلط تھی تو ہاں میں غلط تھی،مجھے انہیں میسج کرنا چاہیے تھا، وہ ٹھیک کہتے ہیں مجھے اُن سے براہ راست بات کرنی چاہیے تھی۔
یاد رہے کہ خلیل الرحمان قمر اور ماروی سرمد کے ساتھ ٹی وی پر تلخ کلامی کے بعد ماہرہ خان نے ان پر تنقید کی تھی جس پر خلیل الرحمان قمر نے اظہارِ ناراضی کیا تھا۔