ن لیگ آزاد کشمیر کو بڑا دھچکا، اہم رہنما ساتھیوں سمیت پی ٹی آئی میں شامل 

 (24 نیوز )آزاد کشمیر سے تعلق رکھنے والے مسلم لیگ( ن )کے رہنما راجہ امتیاز طاہر نے ساتھیوں سمیت پاکستان تحریک انصاف میں شمولیت اختیار کرلی ۔

تفصیلات کے مطابق مسلم لیگ ن آزاد کشمیر پنجاب کے سینئر نائب صدر و رابطہ آفیسرآل پارٹیز حریت کانفرنس راجہ امتیاز طاہر نے وزیراعلیٰ پنجاب کے معاونِ خصوصی اور پی ٹی آئی آزاد کشمیر کے مرکزی رہنماسردار تنویر الیاس خان سے ملاقات کی اور ن لیگ کی رکنیت سے مستعفی ہو پاکستان تحریک انصاف آزاد کشمیر میں شمولیت کا اعلان کر دیا۔
راجہ امتیاز طاہر نے سردار تنویر الیاس خان کے ہمراہ مشترکہ پریس کانفرنس میں تحریک انصاف میں شمولیت کا اعلان کیا۔
سردار امتیاز نے تحریک انصاف کے منشور اور وزیراعظم عمران خان کی پالیسیوں پر مکمل اعتماد کا اظہار کرتے ہوئے آئندہ پی ٹی آئی کے پلیٹ فارم سے عوامی خدمت جاری رکھنے کا اعلان بھی کیا۔
 وزیراعلیٰ پنجاب کے معاون خصوصی سردارتنویرالیاس خان کا کہنا تھا کہ مسلم لیگ ن نے پانچ سالہ دورِ حکومت میں تاریخی غلطیاں کیں، جن کا خمیازہ ہمیں معلوم نہیں کب تک بھگتنا پڑے گا۔آزادکشمیر کی حکومت صاف شفاف انتخابات نہیں چاہتی کیونکہ وہ اپنے دور کو توسیع دینے کی خواہش مند ہے۔
انہوں نے کہا کہ راجہ امتیاز طاہر ن لیگ آزاد کشمیر کی سیاست میں اپنی منفرد پہچان رکھتے ہیں،پی ٹی آئی کے اقدامات اور عوامی سیاست کی وجہ سے بلاول بھٹو، راجہ فاروق حیدر مایوس ہیں، یہ مایوسی ان کے چہروں پر عیاں ہے۔
یہ بھی پڑھیں:اپنے ایم این اے شہباز کو دے دیئے۔۔ اب وہ بجٹ روکیں، بلاول