طلبہ کومصنوعی ذہانت پر مبنی تعلیمی سہولیات فراہم کی جائیں گی؛علی ڈار

(24نیوز) مشیر وزیراعلیٰ برائے اے آئی علی ڈار نے کہاہے کہ طلبہ کو عالمی معیار کی مصنوعی ذہانت پر مبنی تعلیمی سہولیات فراہم کی جائیں گی۔

 مشیر وزیراعلیٰ برائے اے آئی علی ڈار سے ایکس آئی ٹیم نے اہم ملاقات کی،ملاقات میں وزیر تعلیم پنجاب رانا سکندر حیات نے بھی شرکت کی اورتعلیمی نظام میں مقامی سطح پر تیار کردہ لارج لینگویج ماڈلز کے انضمام پر تبادلہ خیال کیا۔
علی ڈارنے اس موقع پرگفتگوکرتے ہوئے کہاکہ مصنوعی ذہانت کے ذریعے سیکھنے کے عمل کو مزید آسان، تیز اورنتیجہ خیز بنایا جائیگا۔اے آئی ٹیکنالوجی سے طلبہ کی تخلیقی صلاحیتوں میں اضافہ ہوگا،تعلیمی اداروں میں جدید ٹیکنالوجی کے فروغ سے ڈیجیٹل تعلیم کا نیا دور شروع ہوگا۔

یہ بھی پڑھیں:سمرکیمپ سے متعلق احکامات پر مکمل عملدرآمد یقینی بنایا جائے گا، وزیر تعلیم پنجاب
علی ڈارنے مزیدکہاکہ طلبہ کو اپنی زبان اور مقامی تناظر میں جدید تعلیمی مواد تک رسائی حاصل ہوگی