عوام کے حقوق کی جنگ لڑ رہے ہیں، جلسہ مقررہ تاریخ پر ہوگا

(24نیوز)مسلم لیگ نون کے رہنما اور سابق وزیر ریلوے خواجہ سعد رفیق کاکہنا ہے کہ پاکستان ڈیموکریٹک موومنٹ (پی ڈی ایم) کا لاہور میں جلسہ طے کردہ تاریخ اور مقررہ کردہ وقت پر ہر حال میں ہوگا۔

تفصیلات کے مطابق :احتساب عدالت کے باہر میڈیا سے گفتگو کرتے ہوئے خواجہ سعد رفیق نے کہا ،کہ پی ڈی ایم کے لاہور کے جلسے کیلئے ہم حکومت کی طرف نہیں دیکھ رہے۔انہوں نے یہ بھی کہا کہ ہم عوام کے حقوق کی خاطر لڑ رہے ہیں، ہماری بھرپور کوشش ہوگی کہ شرکاء ماسک پہن کر جلسے میں آئیں۔دوسری جانب وزیراعلیٰ پنجاب کی معاون خصوصی برائے اطلاعات فردوس عاشق اعوان نے کہا ہے کہ جلسے کی اجازت کیلئے درخواست نہیں آئی ہے، جب درخواست آئے گی اس کے بعد حکومت حکمت عملی سامنے لائے گی، تاہم یہ بات طے ہے کہ عوام کی جان سے کھیلنے کی اجازت نہیں دی جائے گی۔

واضح رہے کہ ڈاکٹر فردوس عاشق اعوان نے یہ بھی کہا کہ ایس او پیز کا عمل درآمد یقینی بنایا جائے گا۔عدالتی احکامات یقینی بنانے کیلئے اپوزیشن سے پہلے ڈائیلاگ کریں گے۔انہوں نے سوال کا جواب دیتے ہوئے کہا کہ ابھی  ڈائیلاگ کس سے کریں گے؟کوئی جلسہ منتظمین سامنے نہیں آئے ہیں۔واضح رہے کہ پی ڈی ایم کے سربراہ مولانا فضل الرحمٰن کا کہنا ہے، کہ ہم اپنے شیڈول کے مطابق آگے بڑھ رہےہیں۔ رکاوٹیں بھی آگے آ رہی ہیں، جدوجہد ہوتی ہے لیکن نتیجہ اللّٰہ کے ہاتھ میں ہوتا ہے۔اور اللہ سے دعا ہے کہ اللہ  ہمیں کامیاب فرمائے، آمین۔