کچن کی موجوداشیاء سے بالوں کو کیسے ڈائی کریں؟

(ویب ڈیسک) بازار میں دستیاب جدید ترین مصنوعات کی بدولت سرمئی بالوں کو چھپانا اب کوئی مسئلہ نہیں رہا لیکن ان میں موجود کیمیکلز آپ کے بالوں کی صحت کے لیے مسائل ضرور پیدا کر سکتے ہیں۔

اگر آپ بھی اپنے سر کے سفید بالوں سے پریشان ہیں اور آپ کے بالوں کو مزید نقصان پہنچانے والے کیمیکل ہیئر ڈائز کے استعمال سے ڈرتے ہیں تو پریشان نہ ہوں کیونکہ گھر میں اپنے بالوں کو قدرتی طور پر رنگنے کے بہت سے محفوظ طریقے موجود ہیں,ورنہ بازاری رنگ بالوں کو پرکشش بنا دیتے ہیں لیکن اسے بتدریج پہنچنے والا نقصان ناقابل تلافی ہے۔

اس حوالے سے چند گھریلو ٹوٹکے یقیناً آپ کے لیے کارآمد ثابت ہوں گے کیونکہ سفید بالوں کو چھپانے کے لیے قدرتی طریقے استعمال کرنا ہی بہتر ہے۔

اپنے بالوں کو گھر میں بہترین رنگ سے رنگنے کے لیے کچھ آسان ٹپس یہ ہیں:

• کافی کو ابالنے کے بعد اسے ٹھنڈا ہونے دیں اور اس مکسچر کو اپنے بالوں پر لگائیں۔ اسے ایک گھنٹے کے لیے لگا رہنے دیں اور اچھی طرح مساج کر کے دھو لیں۔ کافی آپ کے بالوں کو قدرتی گہرا بھورا رنگ دے گی۔

• خالص مہندی کے پاؤڈر کو گرم پانی میں ملا کر پیسٹ بنائیں، کچھ دیر بعد اسے سر کی جلد پر لگائیں اور چند گھنٹوں کے لیے چھوڑ دیں۔ پھر پانی سے دھو لیں۔ مہندی بالوں کو ریڈیش نارنجی رنگ دیتی ہے۔ آپ مہندی کے پانی میں پیاز کے چھلکے اور چائے کی پتی بھی شامل کر سکتے ہیں تاکہ یہ زیادہ دیر تک چل سکے۔

• گاجروں کو ابال کر ان کا رس نکال لیں، پھر اس رس کو بالوں میں لگا کر ایک گھنٹے کے لیے چھوڑ دیں، پھر اسے سادہ پانی سے دھو لیں, گاجر کا رس بھی بالوں کو سرخی مائل بھورا رنگ دیتا ہے۔

• تازہ لیموں کا رس نچوڑ کر ایک گھنٹے تک بالوں میں لگا رہنے دیں اور پھر پانی سے دھو لیں, لیموں کا رس تیزابی خصوصیات کی وجہ سے آپ کے بالوں کو سنہرے بالوں کا رنگ دے گا۔ اسے بھورے بالوں والے لوگ بھی استعمال کر سکتے ہیں جو اپنے بالوں کو سنہری رنگ دینا چاہتے ہیں۔ لیموں کا رس خشک بالوں کے علاج کیلیے بھی بہترین سمجھا جاتا ہے۔