’نمبر ٹنگو پروگرام‘مسلم لیگی کارکن آپس میں دست و گریبان۔۔ مکے ، گھونسے اور ٹکریں

(جمال الدین جمالی)مسلم لیگ (ن)کے رہنما اور پنجاب اسمبلی میں اپوزیشن لیڈرحمزہ شہباز کی عدالت سے واپسی پرمنظور نظر بننے کے چکر میں لیگی کارکن  آپس میں لڑ پڑے۔

تفصیلات کے مطابق مسلم لیگ ن کے کارکن حمزہ شہباز کی گاڑی کے قریب پہنچ کر نعرے بازی کررہے تھے اور حمزہ کے منظور نظر بننے کے چکر میں آپس میں جھگڑا شروع کردیا۔ لیگی کارکنوں نے ایک دوسرے پر مکوں گھونسوں اور ٹکروں کا آزادانہ استعمال کیا ۔ سیکیورٹی پر مامور پولیس اہلکاروں نے کارکنوں کے درمیان بیچ بچاؤ کرایا.

سپیشل جج سینٹرل آیف آئی اے کورٹ اعجاز حسین اعوان نے شہباز شریف اور حمزہ شہباز سمیت دیگر ملزمان کیخلاف منی لانڈرنگ اور جعلی بینک اکاؤنٹس کیس پر سماعت کی۔ ایف آئی اے نے ملزمان کیخلاف کیس کا چالان عدالت میں پیش کر رکھا ہے، حمزہ شہباز سمیت دیگر شریک ملزمان عدالت میں پیش ہوئے جبکہ کورونا مثبت آنے کی وجہ سے شہباز شریف کی حاضری معافی کی درخواست دائر کی گئی جسے عدالت نے منظور کر لیا۔عدالت نے ملزمان کی حاضری مکمل ہونے پر سماعت 10 فروری تک ملتوی کرتے ہوئے اور آئندہ سماعت پر تمام ملزمان کو طلب کر لیا۔ عدالت نے شہباز شریف اور حمزہ شہباز کی عبوری ضمانت میں توسیع کر دی۔ حمزہ شہباز کی پیشی کے موقع پر لیگی کارکنان کی بڑی تعداد عدالت کے باہر موجود تھی، جنہوں نے حمزہ شہباز کے حق میں نعرے بازی کی اور ان پر گل پاشی بھی کی۔

یہ بھی پڑھیں:  کورونا ختم ہونے کو۔۔ ماہرین نے بڑا دعویٰ کردیا