ڈالر کی پرواز نہ تھم سکی،قیمت میں مزید اضافہ ہوگیا

(24 نیوز)پاکستانی روپیہ کے مقابلے میں ایک امریکی ڈالر 303 روپے 75 پیسے کی ریکارڈ سطح پر پہنچ گیا،انٹربینک میں پاکستانی روپیہ کے مقابلے میں ڈالر کی قدر میں اضافے کا سلسلہ بدستور جاری ہے۔

 کرنسی ڈیلرز کے مطابق کاروباری دن کے آغاز پر انٹر بینک میں ڈالر مزید 70 پیسے مہنگا ہوگیا، جس سے ڈالر 303 روپے 75 پیسے کی ریکارڈ سطح پر پہنچ گیا،یاد رہے کہ گزشتہ روز بھی انٹربینک میں امریکی کرنسی کی قدر میں ایک روپیہ پانچ پیسے کا اضافہ ریکارڈ کیا گیا تھا۔

دوسری جانب اوپن مارکیٹ میں امریکی ڈالر 316 روپے کی تاریخی سطح پر برقرار ہے۔  خیال رہے کہ نگران حکومت کے صرف دو ہفتوں میں انٹربینک میں ڈالر 15 روپے جبکہ اوپن مارکیٹ میں 20 مہنگا ہوا ہے۔

مزید پڑھیں:بجلی بلوں میں اضافے کیخلاف درخواست کے قابل سماعت ہونے پر فیصلہ محفوظ