ویڈیو: شادی کی پیشکش پر طالبہ کی ساتھیوں سے مل کر پروفیسر کی’’ دھلائی‘‘

(24 نیوز)بھارتی شہر بنگلورو میں میڈیکل کالج کے ایک پروفیسر نے ایک طالبہ کو کلاس روم کے اندر شادی کی پیشکش کی جس پر  طالبہ نے دیگر طالبعلموں کے ساتھ مل کر استاد کی پٹائی کر ڈالی۔

بھارتی میڈیا کے مطابق کلاس کے دوران پروفیسر نے طالبہ سے اپنے جذبات کا اظہار کیا لیکن خاتون نے فوری طور پر اعتراض اٹھایا جس کے نتیجے میں دونوں کے درمیان تند و تیز جملوں کا تبادلہ بھی ہوا۔

#Shocking #incident from #Bengaluru

A professor allegedly proposed to his student in front of the entire class at a medical college in Nelamangala.

Situation escalated outside — students reportedly thrashed him.

Serious questions raised on ethics in education system#Breaking pic.twitter.com/nXiMItZGMt

— जागरूक जनता न्यूज़ with bharat (@JAGRUK_JN) March 26, 2026

 سوشل میڈیا پر سامنے آنے والی ویڈیو میں دیکھا جاسکتا ہے کہ  پروفیسر طالبہ سے کہہ رہا ہے کہ تم نے مجھ سے کہا تھا 'میں تم سے پیار کرتی ہوں' جس پر خاتون نے اس دعوے کی سختی سے تردید کرتے ہوئے کہا 'میں نے یہ نہیں کہا'۔

فوٹیج میں پروفیسر کو مائیک آن کرکے یہ کہتے ہوئے سنا جاسکتا ہے کہ آج میں اپنے بیچ کی سب سے اہم لڑکیوں میں سے ایک کو پروپوز کرنا چاہوں گا۔

تاہم بعدازاں دونوں میں بحث شروع ہو جاتی ہے،ویڈیو کے دوسرے حصے میں طالبہ کو دیگر طالبعلموں کے ساتھ مل کر استاد کی چپل اور تھپڑوں سے پٹائی کرتے دیکھا جاسکتا ہے۔

مزید پڑھیں:امریکی گھوڑے نے 12 ملین ڈالر کی ریس جیت لی