شادی کے بعد ایسی تبدیلیاں آئیں کہ ہوش ٹھکانے  لگ گئے ۔ سجل

  (ویب ڈیسک) سوشل میڈیا پر سجل کا ایک بیان وائرل ہورہا ہے جس میں انہیں میزبان وسیم بادامی کے شادی کے بعد آنے والی تبدیلی سے متعلق کیے گئے سوال پر بات کرتے دیکھا جاسکتا ہے۔
تفصیلات کے مطابق شوبز کی مقبول ترین جوڑی سجل علی اور احد رضا میر کی مبینہ طلاق کے بعد مختلف دعوے سامنے آرہے ہیں،ان دعوؤں میں احد اور سجل کی مبینہ طلاق کو کہیں سجل کے فلموں میں کام کرنے تو کہیں احد رضا میر  کے مبینہ افیئرز سے جوڑا جارہا ہے۔

سجل کے مؤقف پر وسیم بادامی نے انہیں سمجھاتے ہوئے کہا کہ شادی کے بعد شروع کے 3 سے 4 سال ہی مشکل ہوتے ہیں جس پر سجل نے کہا تھا کہ شادی کے تین سے چار سال مشکل ہونے کا دعویٰ  بہت ہے ، میرے خیال میں شادی کے بعد ایک ہی سال مشکل ہوتا ہے لیکن اگر آپ کا پارٹنر سپورٹنگ ہے تو آپ کسی بھی شعبے سے تعلق رکھتے ہوں چیزیں ٹھیک رہتی ہیں اور الحمداللہ احد بے حد سپورٹنگ ہیں۔ 

 سجل علی نے کہا ہے کہ شادی کے بعد ان کے کام میں تو کوئی خاص تبدیلی نہیں آئی لیکن شادی کے بعد ذاتی زندگی میں کافی تبدیلیاں آتی ہیں اور ایسی تبدیلیاں آتی ہیں کہ ہوش ٹھکانے لگ جاتے ہیں۔

سجل کا کہنا تھا کہ سب سے بڑی تبدیلی تو یہ کہ انسان کی  عقل ٹھکانے لگ جاتی ہے۔

یہ بھی پڑھیں:    میشا شفیع کیس۔عدالت نے بڑا حکم جاری کر دیا