نگران وزیرِاعظم انوار الحق کاکڑ دو روزہ دورے کیلئے کویت پہنچ گئے

(اویس کیانی) نگران وزیراعظم انوار الحق کاکڑ دو روزہ دورے پر کویت پہنچ گئے۔

کویت پہنچنے پر کویت کے وزیرِ بجلی، پانی و قابل تجدید توانائی ڈاکٹر جاسم محمد عبداللہ الاستاد نے وزیرِاعظم کا پرتپاک استقبال کیا۔ 

اس موقع پر پاکستان کے کویت میں سفیر ملک محمد فاروق اور دونوں ممالک کے اعلیٰ سفارتی اہلکار بھی موجود تھے. 

Caretaker Prime Minister Anwaar-ul-Haq Kakar arrived in Kuwait for his two day official visit, today. Kuwait's Minister for Electricity, Water and Renewable Enegery, Dr Jassim Mohammed Abdullah Al-Ostad received the Prime Minister upon his arrival. pic.twitter.com/ZmeVlZk3S8

— Prime Minister's Office (@PakPMO) November 28, 2023

دورے کے دوران نگران وزیرِاعظم ولی عہد کویت عزت مآب شيخ مشعل الاحمد الجابر الصباح اور وزیرِاعظم عزت مآب شيخ احمد النواف الاحمد الصباح سے ملاقات کریں گے۔ 

نگران وزیرِاعظم کا دورہ کویت دونوں ممالک کے مابین اقتصادی و معاشی تعاون کے نئے دور کا آغاز ہوگا جس میں افرادی قوت، انفارمیشن ٹیکنالوجی، معدنیات و کان کنی، غذائی تحفظ، توانائی اور دفاع کے شعبوں میں باہمی تعاون کی مفاہمتی یادداشتوں پر  دستخط ہوں گے۔