عمران خان کے کیس کی سماعت کا معاملہ؛پی ٹی آئی عہدیداران کو اڈیالہ جیل پہنچنے کی ہدایت

(عثمان خادم کمبوہ) پاکستان تحریک انصاف( پی ٹی آئی) کے بانی چیئرمین اور سابق وزیر اعظم عمران خان کے کیس کی اڈیالہ جیل میں سماعت پر پنجاب کے اراکین پنجاب اسمبلی و ٹکٹ ہولڈرز کو منگل کے روز اڈیالہ جیل پہنچنے کی ہدایت کردی گئی۔

تفصیلات کےمطابق چیف آرگنائزر پی ٹی آئی پنجاب نے اراکین اسمبلی و ٹکٹ ہولڈرز کو اڈیالہ جیل پہنچنے کی ہدایت کردی،عالیہ حمزہ نے تمام عہدیداروں کو بھی منگل کے روز اڈیالہ جیل پہنچنے کی ہدایت کردی۔ 

عالیہ حمزہ نےاڈیالہ جیل نہ جانے والے ٹکٹ ہولڈرز و عہدیداروں کو شوکاز نوٹس جاری کرنے کا فیصلہ بھی کیا ہے۔ 

یہ بھی پڑھیں؛ مجھے خوشی ہے پیپلز پارٹی اپنے وعدے پورے کر رہی ہے:بلاول بھٹو