مریم نواز کے بیٹے جنید صفدر کی نکاح کی تقریب کی ویڈیوز وائرل

Aug 24, 2021 | 19:20:PM
مریم نواز کے بیٹے جنید صفدر کی نکاح کی تقریب کی ویڈیوز وائرل

(مانیٹرنگ ڈیسک) پاکستان مسلم لیگ (ن) کی نائب صدر مریم نواز کے بیٹے جنید صفدر کے نکاح کے لیے سجائی گئی تقریب کی خوبصورت ویڈیوز وائرل ہوگئیں۔

تفصیلات کےمطابق گزشتہ روز مسلم لیگ (ن) کی نائب صدر مریم نواز کے بیٹے جنید صفدر کا نکاح سیف الرحمن کی صاحبزادی عائشہ سیف سے لندن ایک مقامی ہوٹل میں ہوا ۔تقریب میں سابق وزیر اعظم نواز شریف سمیت دیگر عزیزو اقارب نے شرکت کی۔مریم نواز اور کیپٹن ریٹائرڈ صفدر پاکستان سے بذریعہ ویڈیو لنک نکاح کی تقریب میں شریک ہوئے۔

یہ بھی پڑھیں:ادا کارہ ثروت گیلانی کی اپنے ہندو باورچی کو را کھی با ندھنے کی ویڈیو وا ئرل

جنید صفدر کے نکاح کے موقع پر ہوٹل کے باہر روایتی ڈھول کا اہتمام کیا گیا۔ن لیگی رہنما زبیر گل کی قیادت میں کارکن جمع ہوئے اور خوشی میں بھنگڑے ڈالے جبکہ ہوٹل کے باہر مٹھائی بھی تقسیم کی گئی۔سوشل میڈیا پلیٹ فارمز پر جنید صفدر کے نکاح اور وینیو کی ویڈیوز وائرل ہوگئی ہیں۔

وائرل ویڈیوز میں لندن کے عالیشان لینس بورگ ہوٹل کے ہال کو ہلکے رنگ کے تھیم کلیکشن کے ساتھ خوبصورت پھولوں سے سجا دیکھا جاسکتا ہے۔

یہ بھی پڑھیں:پا پ گلو کا رہ کے بعد معروف افغا ن فلم پر وڈیو سر بھی ملک چھوڑنے میں کا میا ب

ایک اور ویڈیو میں ہوٹل کے ڈائننگ ٹیبل پر مہمانوں کو کھانے کے لیے بیٹھا بھی دیکھا جاسکتا ہے۔