شام: بشارالاسد حکومت کے خاتمے کے بعد کرنسی بھی تبدیل کرنے کا فیصلہ

(ویب ڈیسک )  بشار الاسد دورے کے خاتمے کے بعد شام کی نئی حکومت نے  اپنی کرنسی سے 2 صفر ہٹا کر نئے نوٹ جاری کرنے کا فیصلہ کیا ہے۔

غیر ملکی خبر رساں ایجنسی    کے مطابق شام میں صدر بشار الاسد کی معزولی کے ساتھ ختم ہوئے14 سالہ تنازع کے بعدشامی پاؤنڈ کی قوت خرید میں ریکارڈ کمی دیکھنے میں آئی ہے تاہم اب  شام کی نئی حکومت  نےعوام میں پاؤنڈ کا اعتماد بحال کرنے کیلئے   کرنسی سے 2 صفر ہٹا کر نئے نوٹ جاری  کرنے کی تصدیق کی ہے۔

رپورٹ کے مطابق اس اقدام کا مقصد شامی پاؤنڈ کو ایک بار پھر عوام میں مقبول بنانا ہے۔

 شام کے مرکزی بینک کے گورنر عبدالقادر حسریہ نے سعودیہ کے  سرکاری نشریاتی ادارے  و دیے گئے بیان میں  2 صفر ہٹاکر نئے نوٹ جاری کرنے کی تصدیق کی ،گورنر عبدالقادر نے  نئی کرنسی نوٹ  کو وقت کی ضرورت قرار دیا اور کہا کہ ہم نے سرکاری،  نجی  اور مرکزی بینکوں  کے ماہرین کے ساتھ کرنسی میں تبدیلیوں کی ضروریات کا تعین کرنے کے لیے کمیٹیاں تشکیل دی ہیں تاہم نئی کرنسی متعارف کرانے کے لیے ایک ٹائم فریم تاحال زیر جائزہ ہے۔

واضح رہے کہ 2011 میں جنگ شروع ہونے کے بعد سے شامی پاؤنڈ اپنی 99 فیصد  سے بھی زائد قدر کھوچکا  ہے، اس وقت شام کی شرح تبادلہ  امریکی ڈالر کے مقابلے  تقریباً 10 ہزار  پاؤنڈ ہے جو کہ جنگ سے پہلے 50 تھی۔

کرنسی کی قدروقیمت میں تیزی سے کمی نے روزمرہ لین دین اور رقم  منتقلی کے عمل کو  مشکل بنا دیا ہے۔

یہ بھی پڑھیں: ڈونلڈٹرمپ کے قریبی ساتھی سرجیو گور بھارت کیلئے امریکی سفیر نامزد