پی ٹی آئی کی جیل بھرو تحریک: قافلے شاہراہ قائد اعظم پہنچنے لگے

(عثمان خادم) پاکستان تحریک انصاف کی جیل بھرو تحریک کے سلسلے میں قافلے شاہراہ قائد اعظم پہنچنے لگے، چیئرنگ کراس پر کارکنان نے مصنوعی جیل نصب کر کے نعرے بازی کی۔

کارکنان کے رش، سٹیج اور مصنوعی جیل کے باعث ٹریفک کی روانی متاثر ہونے لگی، ٹریفک پولیس نے چیرنگ کراس پر ڈائورژن لگا دی۔ استنبول چوک سے آنے والی ٹریفک کو پنجاب اسمبلی کی جانب موڑ دیا گیا۔

@city42newsofficial #24news #foryou #fyp #imrankhan #foryoupage #pti ♬ original sound - 24NEWSHD

دوسری جانب جیلوں میں سیاسی قیدی رکھنے تو دور کی بات بلکہ پنجاب کی 43 جیلوں میں 40 فیصد گنجائش سے زیادہ قیدی موجود ہیں جبکہ لاہور کی دونوں جیلوں میں گنجائش سے 50 فیصد زائد قیدی ہیں۔

لاہور کی دونوں جیلوں میں گنجائش 4 ہزار قیدی رکھنے کی جبکہ 8 ہزار قیدی موجود ہیں جبکہ پنجاب بھر کی جیلوں میں 53 ہزار جبکہ گنجائش 35 ہزار کے قریب قیدیوں کی ہے۔