نصرت جہاں کا شوہر سے اختلافات کے بعد فوٹو شوٹ, مداحوں کے عجیب و غریب سوالات

(ویب ڈیسک)بالی ووڈ کی اداکارہ نصرت جہاں نےشوہر سے اختلافات کے درمیان ایک فوٹوشوٹ کروایا ہے اور پھر اپنی تصویر کو شئیر کیا ہے جس کی وجہ سے ایک مرتبہ پھر  وہ سرخیوں میں ہیں ۔ اداکارہ کے مداحوں نے تصویر کو دیکھ کر نصرت جہاں کو ٹرول کرنا شروع کردیا ہے اور ان سےعجیب و غریب سوالات کررہے ہیں ۔
بھارتی نجی ٹی وی کی ویب رپورٹ کےمطابق بھارت کی سیاسی جماعت ترنمول کانگریس کی رکن پارلیمنٹ اور بنگالی سنیما کی اداکارہ نصرت جہاں ان دنوں اپنی ذاتی زندگی کی وجہ سے سرخیوں میں ہیں ۔ اداکارہ اور ان کے شوہر نکھل جین کے درمیان اختلافات اب سب کے سامنے آچکے ہیں ۔ اس درمیان اداکارہ نے انسٹاگرام پر اپنی ایک تصویر شیئر کی ہے ، جس میں وہ اپنے بی بے بمپ کے ساتھ پوز دیتی نظر آرہی ہیں ۔

تصویر شیئر کرتے ہوئے نصرت جہاں نے کیپشن میں لکھا کہ ’سخاوت سب بدل دیتی ہے‘ ۔ اداکارہ کی جانب سے تصویر شیئر کرتے ہی مداحوں نے انہیں ٹرول کرنا شروع کردیا اور ان سے عجیب و غریب سوالات کررہے ہیں ۔ایک شخص نے نصرت جہاں کی تصویر پر کمنٹ کرتے ہوئے ان سے پوچھا کہ’ کیا ملا بے وفائی کرکے ‘۔ وہیں ایک اورنے لکھا ’ بچہ کس کا ہے ‘؟ ایک تیسرے شخص نے کمنٹ کیا کہ آپ کے پاس کون سی سخاوت ہے ؟.دراصل طویل عرصہ سے نصرت اپنے شوہر نکھل جین سے الگ رہ رہی ہیں ۔ دونوں کے درمیان کی تکرار سب کے سامنے ہے ۔ جب نصرت جہاں کے حاملہ ہونے کی خبریں عام ہوئیں تو شوہر نکھل جین نے اس بات سے بھی انکار کردیا کہ یہ بچہ ان کا ہے ۔ انہوں نے اداکارہ کے معاشقہ کی خبروں کی جانب بھی اشارہ کیا تھا ۔

خیال رہے کہ نصرت جہاں کے بنگالی فلموں کے اداکار یش داس گپتا کے ساتھ معاشقہ کی خبریں آئی تھیں ۔ اداکارہ کے یش داس گپتا کے ساتھ چھٹیوں پر جانے کا بھی دعوی کیا گیا تھا ۔حالانکہ نہ تو نصرت جہاں نے اور نہ ہی یش داس گپتا نے ان خبروں کی تصدیق کی ہے ۔ نکھل جین اور نصرت جہاں کے درمیان اختلافات کی وجہ بھی یش داس گپتا کو ہی بتایا جارہا ہے ۔

یہ بھی پڑھیں: یوگادھیرے دھیرے شروع کیا،زندگی پر کافی گہرا اثر ڈالا ، ملائیکہ اروڑہ