وزیراعلیٰ مریم نواز کا سینیٹ الیکشن میں حافظ عبدالکریم کی کامیابی پر اظہار تشکر

 (24 نیوز )وزیراعلیٰ پنجاب مریم نواز نے مسلم لیگ ن کے امیدوار حافظ عبدالکریم کی سینیٹ الیکشن میں کامیابی پر سوشل میڈیا ویب سائٹ ایکس پر اپنے پیغام میں اظہار تشکر کرتے ہوئے کامیاب امیدوار کو مبارکباد دی، وزیراعلیٰ مریم نواز شریف نے سینیٹ الیکشن میں کامیابی پر اتحادیوں کا بھی خصوصی شکریہ ادا کیا۔

واضح رہے کہ پنجاب اسمبلی میں سینیٹ انتخاب میں مسلم لیگ ن کے امیدوار حافظ عبدالکریم 243 ووٹ لے کر کامیاب ہوگئے، غیر سرکاری غیر حتمی نتیجے کے مطابق اپوزیشن امیدوار مہر عبدالستار نے 99 ووٹ حاصل کیے، 368 ووٹوں میں سے 345 ووٹ کاسٹ کیے گئے، 3 ووٹ مسترد ہو گئے۔

Alhamdolillah PMLN won the Senate seat. 243 vs 99. Mubarak to Hafiz Abdul Kareem sb. A special special ‘thank you’ to our Allies.

Sherrrrrrrrrr

— Maryam Nawaz Sharif (@MaryamNSharif) July 21, 2025

پنجاب اسمبلی میں سینیٹ کی ایک سیٹ کے لیے ہونے والے الیکشن کے لیے پولنگ کا وقت ختم ہو گیا، سینیٹ کی خالی نشست پرضمنی الیکشن کے لیے پولنگ کا عمل شام 4 بجے تک جاری رہا۔

پولنگ کے لیے پنجاب اسمبلی کو پولنگ اسٹیشن مقرر کیا گیا تھا، الیکشن کمشنر پنجاب ریٹرننگ آفیسر کے فرائض انجام دے رہے ہیں اور 371 کے ایوان میں 369 ارکان ووٹ ڈالنےکے اہل تھے، سینیٹ الیکشن میں وزیرِ اعلیٰ پنجاب مریم نواز اور سینئر وزیر مریم اورنگزیب نے اپنا ووٹ کاسٹ کیا۔

مسلم لیگ ن نے چیف وہپ رانا ارشد کو پولنگ ایجنٹ مقرر کیا تھا جبکہ اپوزیشن کی جانب سے رانا شہباز نے پولنگ ایجنٹ کے فرائض انجام دیے، مرکزی جمعیتِ اہلحدیث پاکستان کے امیر سینیٹر پروفیسر ساجد میر کی وفات کے بعد خالی نشست پر مسلم لیگ ن کے حافظ عبدالکریم اور اپوزیشن جماعتوں کی جانب سے مہر عبدالستار میدان میں ہیں جبکہ 2 آزاد امیدوار خدیجہ صدیقی اور اعجاز حسین بھی میدان میں ہیں۔

پنجاب اسمبلی کے ایوان میں مسلم لیگ ن اور اتحادیوں کے ارکان کی کل تعداد 261 جبکہ اپوزیشن اتحاد کے ارکان کی تعداد 108 ہے، کامیابی کے لیے 184 اعشاریہ 5 ووٹ درکار ہیں۔

یہ بھی پڑھیں : خیبرپختونخوااسمبلی؛سینیٹ کی نشستوں پر کامیاب امیدواروں کااعلان