حکومت محرومیوں کا مداوا کرنے کیلئے کوشاں ہے،فردوس عاشق

(24نیوز)معاون خصوصی وزیر اعلیٰ پنجاب ڈاکٹر فردوس عاشق اعوان کاکہنا ہےکہ لاہور میں 30سال بعد جنرل ہسپتال بنایا جائے گا۔ وزیراعلیٰ عثمان بزدار نےفیروز پور روڈ پرہسپتال بنانے کی منظوری دےدی ہے۔ بزدار حکومت محرومیوں کا مداوا کرنے کےلئے کوشاں ہے۔

سوشل میڈیا پر اپنے بیان میں انہوں نےکہاکہ ایک ہزار بستروں پرمشتمل ہسپتال سالانہ ترقیاتی پروگرام میں شامل ہوگا۔

ماضی کے شوبازوں نے بڑھتی آبادی کے پیش نظر صحت کی سہولتوں میں اضافہ نہ کیا مگر بزدار حکومت ان محرومیوں کا مداوا کرنے اور 2021 تک پنجاب کے ہر شہری کو صحت انصاف کارڈ فراہم کرنے کیلئے دن رات کوشاں ہے!

— Dr. Firdous Ashiq Awan (@Dr_FirdousPTI) December 20, 2020

شوبازوں نے بڑھتی آبادی کے پیش نظرصحت کی سہولتوں میں اضافہ نہ کیا۔معاون خصوصی کا مزید کہنا تھا کہ 2021ء تک پنجاب کے ہر شہری کو صحت انصاف کارڈ فراہم کریں گے۔