جس ملک میں الیکشن چوری ہو ں الیکٹرونک ووٹنگ مشینیں کیسے محفوظ ہونگی۔ شاہد خاقان

(24 نیوز)سابق وزیر اعظم اور پاکستان مسلم لیگ (ن) کے مرکزی رہنما شاہد خاقان عباسی کا کہنا ہے کہ آر ٹی ایس بیٹھنے سے آنے والی حکومت نے اپنا مستقبل ایک اور مشین سے جوڑ لیا ہے۔

تفصیلات کے مطابق سابق وزیر اعظم اور پاکستان مسلم لیگ (ن) کے مرکزی رہنما شاہد خاقان عباسی نے کہا ہے کہ ڈراموں، تماشوں سے انتخابی اصلاحات اور قانون سازی کا سنجیدہ عمل نہیں ہوتا ، 2017 میں پاکستان مسلم لیگ (ن) نے انتخابی اصلاحات کا سنجیدہ عمل کرکے دکھایا۔
سابق وزیراعظم نے کہا کہ جس ملک میں آرٹی ایس بٹھا کر الیکشن چوری ہو تو وہاں الیکٹرونک ووٹنگ مشینیں کیسے محفوظ ہیں ،ڈسکہ الیکشن میں الیکشن کمیشن کا عملہ چوری ہو گیا وہاں الیکٹرونک مشینیں کیسے محفوظ ہونگی ۔
 انہوںنے کہاکہ الیکشن ریفارم اور قانون سازی آرڈیننس اور تماشوں سے نہیں بلکہ پارلیمان کے اعتماد سے ہوتی ہے ،عوام اور اپوزیشن کو حکومت اور سپیکر پہ کوئی اعتماد نہیں۔
یہ بھی پڑھیں:پارٹی ڈسپلن کی خلاف ورزی۔۔قریشی کی ترین گروپ کو وارننگ