سونو نگم کو کیا بیماری لگ گئی؟ہردلعزیز گلوکار کا تشویش بھرا انکشاف وائرل ہوگیا

(ویب ڈیسک) "کل ہو نہ ہو" اور "تم سے مل کے دل کاہےجوحال" سپر پاپولر گانے گانے والے سونو نگم کا گلا بھاری ہو گیا ہے، اعصاب کی مرض لگ گئی ہے اور وہ سنگین صورتحال سے دوچار ہیں لیکن اب بھی سونو نگم  سٹیج پر اپنے فینز کے لئے گانا جاری رکھنے کے لئے پرعزم ہیں۔

سونو نگم نے صحت کی تکلیف دہ حالت  کے متعلق انکشاف کرتے ہوئے بتایا کہ میرے اعصاب زخمی ہیں، گلا بیٹھ رہا ہے اور اذیت میں ہوں لیکن اپنے فینز کے لئے پرفارم کرنا جاری رکھوں گا۔

بالی ووڈ  کے "پپو آواز والے" اپنی طرز کے پہلے سنگر سونو نگم  اعصاب اور بھاری گلے سے لڑتے ہوئے اسٹیج پر پرفارم کرنے کا عہد کرتے ہیں تو ان کے فینز ان کے لئے دعاؤں اور نیک خواہشات کی بارش کر دیتے ہیں۔

سونو نگم نے اپنے انسٹاگرام پر ایک پوسٹ میں انکشاف کیا کہ علاج کے لئے دی جا رہی ادویات ان کی آواز کو دبا دیتی ہیں، پھر بھی سونو نگم نے اپنے آنے والے شو کے لیے وابستگی برقرار رکھتے ہوئے کہا کہ کچھ بھی ہو ، اپنے فینز کے لئے پرفارم تو ضرور کروں گا۔ نگم نے  اپنے انسٹا گرام پرجو ویڈیو پوسٹ کی اس مین وہ گلے پر بندھی پٹی کے ساتھ نظر آ رہے ہیں۔
بالی ووڈ گلوکار سونو نگم نے بتایا  کہ  پروفیشنل وعدوں کا احترام کرتے ہوئے ایک تکلیف دہ صحت کی حالت سے لڑ رہے ہیں۔

انہوں نے کہا کہ وہ "پنچ ہو چکےاعصاب" سے نمٹ رہے ہیں اور اس مسئلے کی تشخیص کے لیے گزشتہ ایک ہفتے کے دوران متعدد طبی ٹیسٹ کرائے گئے ہیں، جن میں ایم آر آئی اور سی ٹی سکین بھی شامل ہیں۔

'میرے اعصاب  زخمی ہیں'
اپنی حالت کے بارے میں بات کرتے ہوئے، سونو نے کہا: "میرے اعصاب میں چوٹ لگی ہوئی ہے۔ میں ایک ہفتے سے ایم آر آئی اور سی ٹی اسکین لے رہا ہوں۔ میں بہت سی دوائیں لے رہا ہوں۔" فزیوتھراپی کے سیشن خاصے تکلیف دہ رہے ہیں، اور وہ فی الحال تکلیف پر قابو پانے کے لیے درد کش ادویات پر انحصار کر رہے ہیں۔

نگم نے کہا، "فزیو تھراپی بہت تکلیف دہ تھی۔ میں اب درد کش ادویات لے رہا ہوں۔ اس کی وجہ سے میرا گلا بھی تھوڑا بھاری ہے۔"

دوا گلے کو متاثر کرتی ہے
سونو نگم نے وضاحت کی کہ ان کے پٹھوں کو آرام دینے کے لیے میڈیکل ٹیم نے جو دوائیں تجویز کیں ان  ادویات نے ان کی آواز کو متاثر کیا ہے - یہ ایک لائیو شو سے پہلے کی تشویش ہے۔

انہوں نے کہا کہ بھاری گلے کے ساتھ مل کر جسمانی تناؤ نےاعتماد کو متاثر کیا ہے، حالانکہ وہ پرفارم کرنے کے لیے پرعزم ہیں۔

مسلسل درد کے باوجود  سٹیج پر پرفارم کرنے کاعزم
صحت کو اور براہ راست گلے کو لگے ھچکے کے باوجود،  نگم نے بتایا کی کہ وہ اپنی آنے والی پرفارمنس کے ساتھ آگے بڑھیں گے، یہ نوٹ کرتے ہوئے کہ  وہ ایک طویل وقفے کے بعد پرفارم کرنے جا رہے ہیں۔ "اور آج میں پرفارم کر رہا ہوں… میرا اعتماد تھوڑا کم ہے۔ اور اس کے اوپر، میرا گلا تھوڑا بھاری ہے،" انہوں نے شیئر کیا۔

گلا بھی ریلیکس ہوجاتاہے

نگم نے مسکراتے ہوئے کہا کہ مسلز کو ریلیکس کرنے کے لئے جو دوائیں دیتے ہیں ان سے گلا بھی "ریلیکس" ہو جاتا ہے کیونکہ یہ بھی تو مسل ہی ہے۔  نگم فزیو تھراپی کے ساتھ پین کلر دوائیں لے رہے ہیں اور مزید تشخیص کا انتظار کر رہے ہیں لیکن وہ پریشان بہرحال نہیں ہیں۔

مداح حمایت اور صحت یابی کی خواہشات بھیجتے ہیں
نگم کے انسٹاگرام پر یہ ویڈیو دیکھنے کے بعد سونو نگم کے فینز اور عام لوگوں کو دکھ ہوا۔ ہزاروں  مداحوں نے ان کی صحت کیلئے دعائیں کیں اور حوصلہ افزائی کے پیغامات کا سوشل میڈیا پر سیلاب آ گیا۔ تب سے کئی جنریشنز کے لوگ بیک وقت نگم کے لئے دعا کر رہے ہیں۔   فینز نے میوزک کے ساتھ نگم کی لگن کی تعریف کی اور ان کی جلد صحت یابی کی خواہش کی۔

بہت سے لوگوں نے جاری علاج اور جسمانی تکلیف کے باوجود پرفارم کرنے کے ان کے عزم کو بھی اجاگر کیا۔

یہ بھی پرھیں: ’تارے زمین پر‘ کے چائلڈ سٹار سچیت سیٹھ اب برطانیہ میں کیا کررہے ہیں؟